دی ہنڈرڈ ٹورنامنٹ میں سدرن بریو ے اوول انونسیبلز کو جیتنے کے لیے 119 رنز کا ہدف دے دیا۔

اوول میں جاری ایونٹ کے 22 ویں میچ میں سدرن بریو نے اوول انونسیبلز کی دعوت پر پہلے بیٹنگ کرتے ہوئے مقررہ 100 گیندوں میں 8 وکٹوں کے نقصان پر 118 رنز اسکور کیے۔

بریو کی جانب سے کپتان جیمز ونس 52 رنز بنا کر نمایاں رہے۔ کیرون پولارڈ 18، جوفرا آرچر 10، ایلکس ڈیویز 5، لوری ایونز 4، لیوس ڈو پلوئے 4، آندرے فلیچر 1 جبکہ عقیل حسین 0 رن بنا کر آؤٹ ہوئے۔

کرس جورڈن 12 اور کریگ اوورٹن 4 رنز بنا کر ناٹ آؤٹ پویلین لوٹے۔

انونسیبلز کی جانب سے ٹام کرن نے 4 وکٹیں حاصل کیں۔ سیم کرن نے 2، ول جیکس اور ایڈم زیمپا نے 1، 1 کھلاڑی کو آؤٹ کیا۔