حبا بخاری کا ڈرامہ انڈسٹری پر راج، بڑا اعزاز اپنے نام کرلیا

  کراچی: پاکستانی ڈرامہ انڈسٹری پر راج کرنے والی خوبرو اداکارہ حبا بخاری نے اپنی جاندار اداکاری کے ذریعے بڑا اعزاز اپنے نام کرلیا ہے۔

‘جھوک سرکار’، ‘بھولی بانو’، ‘فتور’، ‘بے رخی’ اور ‘دیوانگی’ جیسے مقبول ڈراموں میں اپنی شاندار اداکاری کے جوہر دکھانے والی معروف اداکارہ حبا بخاری پاکستانی ڈرامہ انڈسٹری پر چھائی ہوئی ہیں۔

ان دنوں نجی ٹی وی چینل پر حبا بخاری کا ڈرامہ سیریل ‘جان نثار’ نشر ہورہا ہے جس میں وہ اداکار دانش تیمور کی اہلیہ کا کردار ادا کررہی ہیں، ڈرامے میں دونوں اداکاروں کی کیمسٹری کو مداحوں کی جانب سے بہت پسند کیا جارہا ہے۔

‘جان نثار’ نے یوٹیوب پر دھوم مچا دی ہے، اس ڈرامے نے دیگر پاکستانی ڈراموں کی مقبولیت کے ریکارڈ توڑتے ہوئے یوٹیوب پر ایک بلین ویوز حاصل کرلیے ہیں۔

مزید پڑھیں: والد مجھے کاروباری شخصیت بنانا چاہتے تھے، اداکارہ حبا بخاری

ڈرامے کی مقبولیت کے بعد، حبا بخاری پاکستان کی وہ واحد اداکارہ بن چکی ہیں جن کے دو ڈراموں نے یوٹیوب پر ایک بلین ویوز حاصل کیے ہیں۔

ڈرامہ سیریل ‘جان نثار’ سے قبل حبا بخاری کے ڈرامہ ‘فتور’ نے بھی یوٹیوب پر ایک بلین سے زائد ویوز حاصل کیے تھے، اس ڈرامے میں اداکارہ کے ساتھ فیصل قریشی اور وہاج علی نے مرکزی کردار ادا کیا تھا۔

View this post on Instagram

A post shared by DIVA Magazine Pakistan (@divamagazinepakistan)

واضح رہے کہ 2015ء میں ڈرامہ ‘چھوٹی سی زندگی’ سے بطور معاون اداکارہ ڈیبیو کرنے والی حبا بخاری اپنے فنی کیریئر میں اب تک ‘تیری میری جوڑی’، ‘تھوڑی سی وفا’، ‘بھولی بانو’، ‘ہارا دل’، ‘سلسلے’، ‘رمز عشق’، ‘دیوانگی’ اور ‘تڑپ’ جیسے کئی سپرہٹ ڈراموں میں مرکزی کردار ادا کرچکی ہیں۔