وزیراعظم نے کابینہ کا اہم اجلاس آج طلب کرلیا

  اسلام آباد: وزیراعظم شہباز شریف نے آج بروز منگل وفاقی کابینہ کا اہم اجلاس طلب کر لیا۔

اجلاس میں ملکی سیاسی، سیکیورٹی اور معاشی صورتحال پر تفصیلی مشاورت ہوگی۔

ذرائع کا کہنا ہے کہ کابینہ ارشد ندیم کو اولمپکس میں گولڈ میڈل لینے پر خراج تحسین پیش کرنے کیلئے قرارداد کی منظوری دے گی۔

اجلاس میں ملکی داخلی سیکیورٹی پر بھی بریفنگ دی جائے گی اور اہم ایجنڈا آئٹمز کی منظوری بھی دی جائے گی۔