مارگن اینڈ اسٹینلےنے 7 پاکستانی کمپنیوں کو انڈیکس میں شامل کرلیا

  کراچی: بین الاقوامی ادارے مارگن اینڈ اسٹینلے کیپٹل انٹرنیشل نے پاکستان کی 7 کمپنیوں کو انڈیکس میں شامل کرلیا ہے جس کے نتیجے میں ایم ایس سی آئی کے انڈیکسز میں شامل پاکستانی کمپنیوں کی تعداد 82 ہوگئی ہے۔

ماہرین کا کہنا ہے کہ اس فیصلے سے پاکستانی کیپٹل مارکیٹ میں بیرونی سرمایہ کاری میں اضافہ ہوگا۔ ایم ایس سی آئی نے سہہ ماہی جائزے کے بعد پاکستانی کمپنیوں کی درجہ بندی جاری کی ہے۔

مقامی آٹو سیکٹر کی کمپنی سازگار انجینئرنگ کو ایم ایس سی آئی کے فرنٹیئر مارکیٹ انڈیکس میں شامل کیا گیا ہے۔ ایم ایس سی آئی اسمال کیپ انڈیکس میں پاکستان کی 6 کمپنیوں کو شامل کیا گیا ہے۔

آئل اینڈ گیس کے شعبے کی ایک کمپنی ہیسکول کو ایم ایس سی آئی نے اسمال کیپ انڈیکس سے خارج بھی کیا گیا ہے۔

دنیا کے بڑے سرمایہ کار ادارے شیئرز میں انویسٹمنٹ کیلیے مارگن اینڈ اسٹینلے کی تقلید کرتے ہیں۔ دنیا کے 100 بڑے سرمایہ کار اداروں میں سے 95 ادارے ایم ایس سی آئی کے کلائنٹس ہیں۔