مورنے مورکل بھارتی کرکٹ ٹیم کے بولنگ کوچ مقرر

  کراچی: جنوبی افریقا کے سابق فاسٹ بولر مورنے مورکل کو بھارتی کرکٹ ٹیم کا بولنگ کوچ مقرر کردیا گیا۔

بھارتی خبر ایجنسی پی ٹی آئی کے مطابق بی سی سی آئی کے سکریٹری جے شاہ نے بدھ کو مورنے مورکل کو بھارتی ٹیم کا بولنگ کوچ بنانے کی تصدیق کردی ہے۔

مورکل کی تقرری سے بھارت کا کوچنگ اسٹاف مکمل ہو گیا جس کی قیادت گوتم گمبھیر کر رہے ہیں اور اس میں اسسٹنٹ کوچ ابھیشیک نیئر اور ریان ٹین ڈوشیٹ کے ساتھ ساتھ فیلڈنگ کوچ ٹی دلیپ بھی شامل ہیں۔

مزید پڑھیں: ہیڈکوچ گوتم گمبھیر لیکن مرضی ہماری! بھارتی بورڈ نے 4 درخواستوں کو مسترد کردیا

یاد رہے کہ پاکستان کرکٹ بورڈ نے جون 2023 میں مورنے مورکل کو چھ ماہ کے کنٹریکٹ پر پاکستانی کرکٹ ٹیم کا بولنگ کوچ مقرر کیا تھا، مورکل نے 13 نومبر 2023 کو اپنے عہدے سے استعفیٰ دے دیا تھا۔

مزید پڑھیں: ہیڈکوچ بننے کے بعد بھارتی بورڈ نے گوتم گمبھیر کی درخواست ہوا میں اُڑا دی

مورنے مورکل نے اپنے گیارہ سالہ انٹرنیشنل کیریئر میں 86 ٹیسٹ میچوں میں 309 وکٹیں، 117 ون ڈے انٹرنیشنل میچوں میں 188 وکٹیں اور44 ٹی ٹوئنٹی انٹرنیشنل میچوں میں 47 وکٹیں حاصل کر رکھی ہیں۔