عاطف اسلم کو اپنا رویہ ٹھیک کرنے کی ضرورت ہے، گلوکار شانی ارشد

 لاہور: پاکستانی میوزک انڈسٹری کے معروف موسیقار و گلوکار شانی ارشد نے عالمی شہرت یافتہ گلوکار عاطف اسلم پر طنز کرتے ہوئے اُنہیں مشورہ دے ڈالا۔

حال ہی میں شانی ارشد نے کامیڈین اداکار و میزبان احمد علی بٹ کے پوڈکاسٹ میں بطورِ مہمان شرکت کی تھی جہاں اُنہوں نے اپنے میوزک کیریئر سمیت مختلف موضوعات پر بات کی تھی۔

اسی پوڈکاسٹ کا ایک مختصر ویڈیو کلپ سوشل میڈیا پر وائرل ہورہا ہے جس میں شانی ارشد کو گلوکار عاطف اسلم پر طنز کرتے ہوئے دیکھا جاسکتا ہے۔

پوڈکاسٹ کے ایک سیگمنٹ میں میزبان احمد علی بٹ نے گلوکار سے سوال کیا کہ عاطف اسلم کو کونسی ایک چیز لازمی کرنی چاہیے؟

مزید پڑھیں: عاطف اسلم نے اہلیہ کو ‘ڈان’ قرار دیدیا

میزبان کے سوال کا جواب دیتے ہوئے شانی ارشد نے کہا کہ عاطف اسلم خود کو بڑی چیز سمجھنا چھوڑ دیں۔

شانی ارشد نے طنزیہ انداز میں کہا کہ عاطف اسلم کے ساتھ ایک مسئلہ ہے کہ وہ خود کو کوئی بڑی چیز سمجھتے ہیں۔

اُنہوں نے مزید کہا کہ عاطف اسلم کو اپنا رویہ ٹھیک کرنے کی ضرورت ہے، اُنہیں چاہیے کہ وہ اپنے رویے پر توجہ دیں۔

واضح رہے کہ ماضی میں شانی ارشد اور عاطف اسلم متعدد منصوبوں میں شراکت کر چکے ہیں، یہ دونوں گلوکار ہی موسیقی کی دُنیا کے بڑے نام ہیں۔