شمالی کوریا، ملکی ساختہ ڈرون کا کامیاب تجربہ

پیانگ یانک: شمالی کوریا نے ملک میں تیار کردہ ڈرون کی صلاحیت جانچنے کا کامیاب تجربہ کیا۔

شمالی کوریا کے رہنما کم جونگ ان نے ملک میں تیار کیے گئے ڈرونز کے پرفارمنس ٹیسٹ کی نگرانی کی۔

غیر ملکی خبر رساں ادارے کی خبر کے مطابق شمالی کوریا کے رہنما کم جونگ ان نے بھی ڈرون تجربے کا دیکھا، اس کے لیے انہوں نے ڈرون انسٹی ٹیوٹ آف شمالی کوریا کی اکیڈمی آف ڈیفنس سائنسز کا دورہ کیا۔

کم جونگ ان نے مختلف طے شدہ راستوں پر پرواز کرنے کے بعد مقررہ اہداف کی درست نشاندہی اور انہیں تباہ کرنے والے ڈرونز کے کامیاب تجربے کا مشاہدہ کیا۔

شمالی کوریا کے رہنما نے مزید خودکش ڈرونز کی تیاری پر زور دیا ہے جن کا استعمال ٹیکٹیکل انفنٹری اور اسپیشل آپریشن یونٹس میں کیا جائے۔

غیر ملکی خبر رساں ادارے کے مطابق کم جونگ ان نے شمالی کوریا کی فوج کو جلد از جلد ان ڈرونز سے لیس کرنے کے لیے ڈرونز کی جنگی ایپلی کیشن کے مزید تجربات کی ہدایات جاری کی ہیں۔