کارتک بھی بابراعظم کی خراب فارم پر بول اٹھے، اہم مشورہ دیدیا

سابق بھارتی وکٹ کیپر بیٹر دنیش کارتک نے بنگلادیش کیخلاف پہلے ٹیسٹ میچ میں بابراعظم کی خراب فارم پر اپنے خیالات کا اظہار کردیا۔

کرک بز سے بات کرتے ہوئے سابق وکٹ کیپر بیٹر دنیش کارتک نے بابراعظم کی صلاحیتوں کی تعریف کی لیکن بطور کپتان انکی کارکردگی پر سوال اٹھالیا۔

انہوں نے کہا کہ وائٹ بال فارمیٹ میں بابراعظم پر کپتانی کا بوجھ نظر آرہا ہے کیونکہ انکی پرفارمنس میں فرق آیا ہے، وہ بہت زیادہ دباؤ میں کھیل رہے ہیں۔

دنیش کارتک نے کہا کہ بنگلادیش کے خلاف اپنی پہلی اننگز میں جلد اننگز ڈکلئیر نہیں کرنا چاہیے تھا بلکہ اپوزیشن پر دباؤ بڑھانے کیلئے زیادہ دیر تک بیٹنگ کرنی چاہیے تھی۔

مزید پڑھیں: آئی سی سی رینکنگ؛ بابراعظم کی 6 درجہ تنزلی، رضوان کی ترقی

انہوں نے کہا کہ پاکستان ڈمیسٹک کرکٹ میں بین الاقوامی کرکٹ میں اچھی کارکردگی دکھانے والے کرکٹرز کو کھلانے کی ضرورت ہے تاکہ وہ تجربہ حاصل کرسکیں۔