بگ بیش لیگ کے ڈرافٹس مکمل، صرف ایک پاکستانی کرکٹر کا انتخاب

آسٹریلیا کی بگ بیش لیگ کے ڈرافٹس مکمل ہوگئے جس میں صرف ایک پاکستانی کرکٹر کا انتخاب ہوسکا ہے۔

لیگ اسپنر اسامہ میر کو میلبورن اسٹارز نے تیسرے راؤنڈ میں منتخب کیا، وہ بی بی ایل سیزن 14 میں شریک واحد پاکستانی کرکٹر ہوں گے۔

پاکستان کی جانب سے 69 مرد اور 11 خواتین کرکٹرز کے نامزد ہونے کے باوجود اسامہ میر کے علاوہ کسی کو منتخب نہیں کیا گیا۔

مزید پڑھیں: بگ بیش لیگ؛ 75 پاکستانی کھلاڑیوں نے ڈرافٹ میں نام رجسٹر کروالیے

ذرائع کے مطابق پاکستانی کھلاڑیوں کے محدود انتخاب کی وجہ پی سی بی کی طرف سے این او سیز سے متعلق غیر یقینی صورتحال ہے۔