کراچی کے مختلف علاقوں میں بارش کا امکان

شہر قائد میں آج موسم مرطوب، مطلع جزوی ابرآلود رہنے اور مختلف علاقوں میں بارش کا امکان ہے۔

محکمہ موسمیات کے مطابق گزشتہ سب بھی شہر کے مختلف علاقوں گلشن اقبال، یونیورسٹی روڈ اور پرانی سبزی منڈی میں بارش ہوئی۔

آئندہ 24 گھنٹوں کے دوران 10 سے 30 کلو میٹر فی گھنٹہ کی رفتار سے سمندری ہوائیں چلنے کا امکان ہے جبکہ ہوا میں نمی کا تناسب زائد رہنے کے باعث اصل درجہ حرارت سے 5 درجے زیادہ محسوس کیا جا رہا ہے۔

کراچی کا آج کم سے کم درجہ حرارت 27 ڈگری سینٹی گریڈ ریکارڈ ہوا جبکہ زیادہ سے زیادہ درجہ حرارت 31 سے 33 ڈگری سینٹی گریڈ رہنے کا امکان ہے۔