کراچی میں خواتین پولیس اہلکار کی رشوت وصولی کی ویڈیو وائرل، 4اہلکار معطل

کراچی میں مرد پولیس اہکاروں کے بعد خواتین پولیس اہلکار بھی رشوت خوری میں ملوث نکلیں، ایسٹ کمپلن سیل کی خواتین اہلکاروں کی مبینہ رشوت وصولی کی ویڈیوز سوشل میڈیا پر وائرل ہوگئی جس پر 4 اہلکاروں کو معطل کر دیا گیا۔

ویڈیو میں خواتین اہلکاروں کو متاثرہ شہری سے رشوت طلب کرتے دیکھا جا سکتا ہے۔

خاتون اہلکار متاثرہ شہری سے 70 ہزار روپے مانگ رہی ہے جبکہ ویڈیو میں پیسوں کی کمی بیشی کی ڈیل کرتے بھی دیکھا جا سکتا ہے۔

پولیس حکام کے مطابق ویڈیو کب کی ہے اور کس کیس کے حوالے سے انکوائری کی جائے گی، سوشل میڈیا پر ہی ویڈیوز دیکھی ہے لیکن کسی نے بھی شکایت درج نہیں کروائی۔

پولیس حکام نے بتایا کہ واقعے پر ایڈیشنل آئی جی کے نوٹس لینے کے بعد انکوائری ٹیم تشکیل دے دی گئی ہے، کمیٹی کی رپورٹ کی روشنی میں مزید قانونی و محکمانہ کارروائی کی جائے گی۔