کراچی میں موسم آج گرم اور مطلع جزوی ابرآلود رہنے کا امکان

  کراچی: شہر قائد میں آج موسم گرم اور مرطوب جبکہ مطلع جزوی ابرآلود رہنے کا امکان ہے۔

محکمہ موسمیات کے مطابق آئندہ 24 گھنٹوں کے دوران 15 سے 30 کلو میٹر فی گھنٹہ کی رفتار سے سمندری ہوائیں چلنے کا امکان ہے جبکہ ہوا میں نمی کا تناسب زائد رہنے کے باعث اصل درجہ حرارت سے 5 درجے زیادہ محسوس کیا جائے گا۔

شہر کا آج کم سے کم درجہ حرارت 27.5 ڈگری سینٹی گریڈ ریکارڈ ہوا جبکہ زیادہ سے زیادہ درجہ حرارت 33 سے 35 ڈگری سینٹی گریڈ رہنے کا امکان ہے۔

کراچی میں آئندہ 24 گھنٹوں کے دوران بارش کا کوئی امکان نہیں ہے۔