سر سید ایکسپریس مسافر ٹرین کو حادثہ، تین بوگیاں پٹڑی سے اتر گئیں

روہڑی: سر سید ایکسپریس ٹرین روہڑی اسٹیشن کے قریب حادثے کا شکار ہو گئی جس کے باعث ٹرین کی تین بوگیاں پٹڑی سے اتر گئیں۔

کراچی سے پنجاب جانے والے سر سید ایکسپریس اپ مسافر ٹرین کو حادثہ روہڑی ریلوے اسٹیشن کی حدود میں پیش آیا۔

ٹرین روہڑی ریلوے اسٹیشن کے پلیٹ فارم پر داخل ہو رہی تھی جس کی وجہ سے ٹرین کی رفتار کم تھی۔

روہڑی ریلوے اسٹیشن کے ذرائع کے مطابق رفتار کم ہونے کے باعث ٹرین بڑے حادثے سے بچ گئی، ٹرین میں سوار تمام مسافر محفوظ ہیں۔

حادثے کے باعث ریلوے کا اپ ٹریک بلاک ہو گیا ہے۔