روزمرہ مصنوعات میں استعمال ہونے والے خطرناک کیمیکلز

سافٹ ڈرنکس، خوراک، پانی، کپڑوں اور فرنیچر میں ایسے کیمیکل موجود  ہوتے ہیں جو لوگوں کی صحت کے لیے خطرات پیدا کرسکتے ہیں۔

ایسے کیمیکلز کو پی ایف ایز یاforever chemicals  کا بھی نام دیا گیا ہے کیونکہ وہ انسان کی روزمرہ معمولات میں کہیں نہ کہیں ہمیشہ شامل رہتے ہیں اور ختم نہیں ہوتے-

یہ کیمیکلز 1950 کی دہائی سے صارفین کی مصنوعات میں استعمال ہو رہے ہیں۔

جیسا کہ ان کیمیکلز کے بارے میں مزید مطالعات اور ضوابط جاری کیے گئے ہیں، ڈاکٹر کارمین مارسیٹ حمل کے دوران بھی ان کیمیکلز کے اثرات پر تحقیق کر رہی ہیں۔

مارسیٹ ایموری یونیورسٹی کے رولنز سکول آف پبلک ہیلتھ میں ریسرچ کی ممتاز پروفیسر ہیں۔ انہوں نے کہا کہ ہم چاہتے ہیں کہ لوگ یہ سمجھیں کہ پی ایف ایز کو کم سے کم اپنے معمولات میں شامل کریں بالخصوص حاملہ خواتین۔

پی ایف اے ایز تقریباً 15,000 انسانی ساختہ کیمیکلز کی ایک کلاس ہے جس میں فلورین گروپ ہوتے ہیں جو انہیں خاص خصوصیات دیتے ہیں۔ وہ نان اسٹک سطحوں میں، آگ بجھانے والی جھاگوں، پیکجوں کو چکنائی سے بچانے اور قالینوں اور کپڑوں کو واٹر پروف کرنے میں استعمال ہوتے ہیں۔