ریکارڈ پہ ریکارڈ؛ بھارتی بلے بازوں نے ٹیسٹ کرکٹ میں انوکھی تاریخ رقم کردی

نئی دہلی: کان پور میں بنگلادیش کے خلاف جاری ٹیسٹ میچ بھارت کے لیے تاریخی ثابت ہو رہا ہے جس میں ہر روز کوئی چونکا دینے والا ریکارڈ بن رہا ہے۔

بھارت نے بنگلادیش کے خلاف کانپور ٹیسٹ میچ میں صرف 312 گیندوں پر 383 رنز بناکر ٹیسٹ کرکٹ کا 19 سالہ ریکارڈ توڑ دیا۔

بھارتی بلے بازوں نے دوسری اننگ میں 7.36 رنز فی اوور کی اوسط سے مجموعی طور پر 312 گیندیں کھیل کر 383 رنز بنائے۔

ٹیسٹ کرکٹ میں ایسا پہلی بار ہوا ہے کسی ٹیم نے 7 رنز فی اوور کے حساب سے رنز بنائے ہوں۔

یہ خبر بھی پڑھیں : بھارت نے ٹیسٹ میں تاریخی ریکارڈ اپنے نام کر لیا

جنوبی افریقا نے 2005 میں زمبابوے کے خلاف ایس ہی جارحانہ اننگز کھیلی تھیں لیکن ان کی اوسط 6.80 رہی تھی جو کہ ایک ریکارڈ ہے۔

یاد رہے کہ اسی ٹیسٹ میں بھارت بھارت کے اوپنرز روہت شرما اور جیسوال نے صرف 3 اوورز میں اپنی ٹیم کی نصف سینچری مکمل کرکے عالمی ریکارڈ بنایا تھا۔

یہ خبر پڑھیں : ایک اور ریکارڈ ویرات کوہلی کے نام، سچن ٹنڈولکر کو پیچھے چھوڑدیا

اس سے قبل تیز ترین 50 رنز بنانے کا ریکارڈ انگلینڈ کے پاس تھا جو اس نے 26 گیندوں پر ویسٹ انڈیز کے خلاف بنائے تھے۔

علاوہ ازیں بھارت اسی ٹیسٹ میں 61 گیندوں پر تیز ترین 100 رنز بنا کر 2023 میں ویسٹ انڈیز کے خلاف 12.2 اوورز میں تیز ترین 100 رنز بنانے کا اپنا ہی ریکارڈ توڑ دیا تھا۔

کانپور ٹیسٹ انفرادی ریکارڈ کے حوالے سے بھی بھارتی ٹیم کے لیے خوش قسمت ثابت ہو رہا ہے۔ ویرات کوہلی نے انٹرنیشنل کرکٹ میں تیز ترین 27000 رنز بنانے والے کھلاڑی بن گئے۔

یہ بھی پڑھیں : بھارت نے ٹیسٹ میں تاریخی ریکارڈ اپنے نام کر لیا

ویرات کوہلی نے یہ سنگ میل صرف 594 اننگز میں عبور کیا۔

اسی ٹیسٹ میچ میں بھارت کے آل راؤنڈر رویندرا جدیجا ٹیسٹ میں 300 وکٹیں لینے والے دنیا کے تیسرے بائیں ہاتھ کے اسپنر بن گئے۔