بچوں میں منکی پاکس کی جلد شناخت سے متعلق رہنما اصول جاری

  اسلام آباد: چائلڈ لائف فاؤنڈیشن نے بچوں میں ایم پی پی اوکس کا جلد پتہ لگانے اور اس سے بچاؤ کے لیے رہنما اصول جاری کیے ہیں۔

منکی پاکس یا ایم پاکس ایک وائرل انفیکشن ہے جو دنیا بھر میں متعدد ممالک میں صحت عامہ کا مسئلہ بن گیا ہے۔

چائلڈ لائف فاؤنڈیشن کے میڈیکل ڈائریکٹر ڈاکٹر عرفان حبیب نے کہا کہ جاری کردہ ہدایات کا مقصد والدین، دیکھ بھال کرنے والوں اور طبی ماہرین کو بچوں میں منکی پاکس کی ابتدائی شناخت اور اس کی روک تھام میں مدد فراہم کرنا ہے۔

انہوں نے مزید کہا کہ والدین کو یہ جاننے کی ضرورت ہے کہ بچوں میں منکی پاکس کی علامات میں عام طور پر بخار، سر درد، پٹھوں میں درد، گلے کی سوزش اور لمف نوڈز کی سوجن شامل ہیں جس کے بعد چہرے پر دانے شروع ہوتے ہیں اور جسم کے دیگر حصوں میں پھیل جاتے ہیں۔