ایران میں ڈاکٹروں نے حال ہی میں منشیات کے استعمال کا ایک عجیب کیس رپورٹ کیا جس میں 23 سالہ نوجوان کا سر 90 ڈگری کے زاویے پر مکمل جھک گیا کیونکہ اس کی گردن کمزور ہو گئی تھی۔
ایران کی اصفہان یونیورسٹی آف میڈیسن کے ڈاکٹروں نے حال ہی میں ایک 23 سالہ مرد کے کیس کی دستاویز جاری کیں جس کا سر 90 ڈگری کے زاویے پر گر گیا کیونکہ اس کی گردن کے پٹھے سر کو سہارا دینے کے قابل نہیں رہے تھے۔
’ڈراپڈ ہیڈ سنڈروم‘ ایک سنگین طبی حالت ہے جس میں گردن کے پٹھوں میں کمزوری ہوجاتی ہے جس کی وجہ سے وہ سر کے وزن کو سہارا نہیں دے پاتی۔
یہ عام طور پر مختلف اعصابی حالات سے منسلک ہوتا ہے بشمول مائٹوکونڈریل مایوپیتھی، پیدائشی مایوپیتھی، موٹر نیورون کی بیماری یا جسمانی ساخت میں خرابی جیسے غیر معمولی طور پر بڑا سر۔
لیکن ایرانی ڈاکٹروں نے حال ہی میں اس سنڈروم کے ایک غیر دستاویزی کیس کی اطلاع دی ہے کیونکہ یہ سالوں سے منشیات کے استعمال کی وجہ سے پیش آیا تھا جو کہ بہت نایاب کیس ہے۔
