- ٹیکس تنازعات کے سبب وفاقی حکومت کے دو ہزار 237 ارب پھنسنے کا انکشاف
- دبئی میں بارشیں؛ قومی کرکٹرز بھی ائیرپورٹ پر محصور ہوکر رہ گئے
- فیض آباد دھرنا: ٹی ایل پی سے معاہدہ پہلے ہوا وزیراعظم خاقان عباسی کو بعد میں دکھایا گیا، احسن اقبال
- کوئٹہ کراچی شاہراہ پر مسافر بس کو حادثہ، دو افراد جاں بحق اور 21 زخمی
- راولپنڈی؛ نازیبا و فحش حرکات کرکے خاتون کو ہراساں کرنے والا ملزم گرفتار
- حج فلائٹ آپریشن کا آغاز 9 مئی سے ہوگا
- کیویز کیخلاف سیریز سے قبل اعظم خان کو انجری نے گھیر لیا
- بجلی صارفین پرمزید بوجھ ڈالنے کی تیاری،قیمت میں 2 روپے94 پیسے اضافے کی درخواست
- اسرائیل کی رفح پر بمباری میں 5 بچوں سمیت11 افراد شہید؛ متعدد زخمی
- ٹرین سےگرنے والی خاتون کی موت،کانسٹیبل کا ملوث ہونا ثابت نہ ہوسکا، رپورٹ
- 'ایک ساتھ ہمارا پہلا میچ' علی یونس نے اہلیہ کیساتھ تصویر شیئر کردی
- بجلی چوری کارخانہ دار کرتا ہے عام صارف نہیں، پشاور ہائیکورٹ
- عدلیہ میں مداخلت کیخلاف اسلام آباد ہائیکورٹ بار کا سپریم کورٹ سے رجوع
- مہنگائی کے دباؤ میں کمی آئی اور شرح مبادلہ مستحکم ہے، وزیر خزانہ
- پی ٹی آئی کی جلسوں کی درخواست پر ڈی سی لاہور کو فیصلہ کرنے کا حکم
- بابراعظم سوشل میڈیا پر شاہین سے اختلافات کی خبروں پر "حیران"
- پنجاب اسمبلی سے چھلانگ لگاکر ملازم کی خودکشی کی کوشش
- 9 مئی کے ذمے دار آج ملکی مفاد پر حملہ کر رہے ہیں، وزیراطلاعات
- کراچی میں تیز بارش کا امکان ختم، سسٹم پنجاب اور کےپی کیطرف منتقل
- ’’کرکٹرز پر کوئی سختی نہیں کی! ڈریسنگ روم میں سونے سے روکا‘‘
کراچی اسٹاک مارکیٹ میں تیزی، 28 پوائنٹس ریکور
کراچی: کراچی اسٹاک مارکیٹ میں پیر کو رونما ہونے والی شدید مندی کے بعد منگل کے روز ریکوری دیکھی گئی، کاروباری سرگرمیوں کا آغاز مثبت انداز میں ہوا۔
کاروباری سیشن کے دوران اتار چڑھاؤ کے بعد انڈیکس 28.58 پوائنٹس کے اضافے سے 29676.41 پوائنٹس کی سطح پر بند ہوا، مارکیٹ کے مجموعی سرمائے کا حجم ایک بار پھر 70 کھرب روپے سے تجاوز کرگیا تاہم کاروباری لین دین پیر کی نسبت 9 کروڑ حصص کم رہا، سرمایہ کاروں کی بینکنگ، فرٹیلائزز، سیمنٹ اور پٹرولیم سیکٹر میں سرمایہ کاری کے سبب ٹریڈنگ کے دوران کے ایس ای 100 انڈیکس 29700 اور 29800 پوائنٹس کی 2 بالائی حدوں کو عبور کر گیا تھا لیکن مقامی سرمایہ کاروں کی جانب سے منافع کے حصول کا رجحان بھی دیکھا گیا جس کی وجہ سے تیزی کی شدت میں کمی ہوئی۔
تجزیہ کاروں کے مطابق سیاسی افق پر غیریقینی صورتحال کی وجہ سے سرمایہ کار تذبذب کا شکار ہیں اور محتاط طرز عمل دیکھا جارہا ہے خصوصاً غیرملکی سرمایہ کار پاکستان میں سیاسی ہلچل کے باعث نئی سرمایہ کاری سے گریز کررہے ہیں اور انتہائی محدود پیمانے پر مخصوص حصص کی خریداری کررہے ہیں جس کی وجہ سے منگل کو مارکیٹ میں معمولی تیزی دیکھی گئی۔ تجزیہ کاروں کے مطابق مارکیٹ اس وقت تکنیکی کریکشن کی زد میں ہے اور کسی وقت بھی مارکیٹ اپ سیٹ ہو سکتی ہے لیکن اگر سیاسی افراتفری کا خاتمہ ہو جائے اور مارکیٹ کے حوالے سے کوئی مثبت اطلاعات یا اقدامات سامنے آ جائیں تو مارکیٹ دوبارہ30000 پوائنٹس کی سطح رواں ہفتے میں ہی عبور کر سکتی ہے۔
منگل کو کاروبار کے اختتام پر کے ایس ای 100 انڈیکس 28.58 پوائنٹس کے اضافے سے انڈیکس 29676.41 پوائنٹس ہو گیا، اسی طرح 54.281 پوائنٹس کے اضافے سے کے ایس ای 30 انڈیکس 20680.73پوائنٹس اور کے ایس ای آل شیئرز انڈیکس 41 پوائنٹس بڑھ کر 21851.51 پوائنٹس پر آگیا۔ تیزی کے باعث مارکیٹ کے سرمائے میں 13 ارب 35 کروڑ 32 لاکھ 1 ہزار 607 روپے کا اضافہ ریکارڈ کیا گیا جس کے نتیجے میں مارکیٹ کا مجموعی سرمایہ 69 کھرب 92 ارب 33 کروڑ 31 لاکھ 27 ہزار 886 روپے سے بڑھ کر 70 کھرب 5 ارب 68 کروڑ 63 لاکھ 29 ہزار 493 روپے ہوگیا، منگل کو مارکیٹ میں 13 کروڑ 27 لاکھ 67 ہزار حصص کا کاروبار ہوا اور ٹریڈنگ ویلیو 7 ارب روپے تک محدود رہی جبکہ پیر کو 22 کروڑ 38 لاکھ 75 ہزار حصص کا کاروبار ہوا تھا۔
منگل کو 346 کمپنیوں کا کاروبار ہوا جس میں 151 کمپنیوں کے حصص کی قیمتوں میں اضافہ، 165 میں کمی اور 30 کمپنیوں کے حصص کی قیمتوں میں استحکام رہا، کاروبار کے لحاظ سے عسکری بینک 1 کروڑ 67 لاکھ ، لافارج پاک 1 کروڑ 12 لاکھ، اینگرو فرٹیلائز لمیٹڈ 59 لاکھ ، بینک الفلاح 57 لاکھ اور فوجی سیمنٹ 50 لاکھ حصص کے سودوں سے سرفہرست رہیں، قیمتوں میں اتار چڑھاؤ کے اعتبار سے سیمنس پاکستان کے بھاؤ میں 33.99 روپے اور انڈس ڈائنگ کے بھاؤ میں 31.99 روپے کا اضافہ ہوا جبکہ رفحان میعظ کے بھاؤ میں 552 روپے اور باٹا پاکستان کے بھاؤ میں 169.33 روپے کی کمی ریکارڈ کی گئی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔