اسلام آباد ہائی کورٹ نے جعلی بینک اکاؤنٹس کیسز میں صدر آصف علی زرداری کے شریک ملزم یونس قدوائی کے ریڈ وارنٹ منسوخی کی درخواست عدم پیروی پر خارج کردی۔
اسلام آباد ہائیکورٹ کے چیف جسٹس سردار سرفراز ڈوگر نے یونس قدوائی کی ریڈ وارنٹ کیخلاف درخواست پر سماعت کی۔
کیس کال ہونے پر یونس قدوائی کی جانب سے کوئی بھی عدالت میں پیش نہ ہوا تاہم نیب سپیشل پراسیکیوٹر رافع مقصود عدالت میں پیش ہوئے۔
عدالت نے یونس قدوائی کی درخواست عدم پیروی پر خارج کردی، یونس قدوائی نے ریڈ وارنٹ منسوخی کی درخواست دائر کر رکھی تھی۔
