- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، قاضی فائز عیسیٰ
- پاکستان اور نیوزی لینڈ کے مابین چوتھا ٹی ٹوئنٹی آج کھیلا جائے گا
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
بلدیہ عظمیٰ کا آپریشن، جیل چورنگی سے حسن اسکوائر تک تجاوزات کا خاتمہ
کراچی: بلدیہ عظمیٰ کراچی کے محکمہ انسداد تجاوزات نے جیل چورنگی سے حسن اسکوائر تک یونیورسٹی روڈ اور حسن اسکوائر سے عیسیٰ نگری تک سر شاہ سلیمان روڈ پر غیرقانونی تجاوزات کے خلاف بھاری مشینری کے ذریعے بھرپور آپریشن کیا اور فٹ پاتھ اور سڑک پر لگنے والی غیرقانونی بکرا منڈی کے علاوہ بڑی تعداد میں جھگی ہوٹلوں ،تخت، پتھارے، پان کے کیبنوں، گنے کی مشینیں اور سن شیڈ کا بھی خاتمہ کردیا۔
تفصیلات کے مطابق محکمہ انسداد تجاوزات کے ڈائریکٹر مظہر خان کی سربراہی میں جمعہ کے روزانسداد تجاوزات سیل کے اسسٹنٹ کمشنر جمشید ٹائون عدنان محمود اعوان، ڈپٹی ڈائریکٹر محمد ریحان صدیقی، اسسٹنٹ ڈائریکٹر اظہر حسین نقوی کے علاوہ انسداد تجاوزات کے عملے اور پولیس کی بھاری نفری بھی موجود تھی، تجاوزات کے خلاف آپریشن کے دوران سڑک کے دونوں جانب موجود جھگی ہوٹلوں ،تخت، پتھارے، پان کے کیبنوں، گنے کی مشینیں ،سن شیڈ اور غیر قانونی بکرا منڈی کا بھی خاتمہ کردیا گیا جبکہ فٹ پاتھ پر لگے ہوئے تخت بھی ہٹا دیے گئے۔
ذرائع ابلاغ کے نمائندوں سے گفتگو میں محکمہ انسداد تجاوزات کے ڈائریکٹر مظہر خان نے بتایا کہ غیرقانونی بکرا منڈیوں کے علاوہ تجاوزات کے خلاف عوام کی کافی عرصے سے شکایات موصول ہو رہی تھی جس کی وجہ سے اس علاقے میں غیرقانونی تجاوزات کے خلاف کارروائی کی گئی۔
واضح رہے کہ اس علاقے میں قائم کی گئیں تجاوزات طویل عرصے سے شہریوں اور ٹریفک کی آمدورفت میں رکاوٹ کا سبب بن رہی تھیں تاہم محکمہ انسداد تجاوزات کی اس کارروائی کے نتیجے میں سڑک اور فٹ پاتھ کو تجاوزات سے پاک کردیا گیا ہے اور سڑک پر ٹریفک کی روانی بحال ہونے کے ساتھ ساتھ فٹ پاتھ پر پیدل چلنے والوں کو بھی سہولت حاصل ہوگئی ہے، تجاوزات کیخلاف کیے جانیوالے اس آپریشن کے دوران شہریوں کی ایک بڑی تعداد جمع ہوگئی اور انھوں نے محکمہ انسداد تجاوزات کی اس کارروائی کو سراہا جس کے باعث انھیں غیرقانونی تجاوزات سے نجات ملی، واضح رہے کہ غیرقانونی تجاوزات سے متعلق تمام ضبط کیا گیا سامان کے ایم سی اسٹور میں جمع کرادیا گیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔