آئی ٹی سی این ایشیا کراچی 2025 ، آئی ٹی سیکٹر کی ترقی اور عالمی شراکت داری کے فروغ کا شاندار موقع ہے جب کہ 'ای کامرس گیٹ وے پاکستان' کی جانب سے 26ویں آئی ٹی سی این ایشیا کا 23 سے 25 ستمبر تک کراچی میں انعقاد کیا جا رہا ہے۔
وزارتِ آئی ٹی اینڈ ٹیلی کام اور ایس آئی ایف سی کے اشتراک سے تاریخی ایونٹ کا انعقاد کیا جارہا ہے، پاکستان کی سب سے بڑی تین روزہ نمائش کا آغاز وفاقی وزیر برائے آئی ٹی اینڈ ٹیلی کام، شزہ فاطمہ خواجہ کریں گی۔
آئی ٹی سی این ایشیا پاکستان کی ڈیجیٹل معیشت، سرمایہ کاری اور عالمی شراکت داری کو فروغ دے گا۔
ای کامرس گیٹ وے پاکستان، گروپ ڈائریکٹر محمد عمیر نظام نے کہا کہ ’پاکستان کا آئی ٹی سیکٹر صرف ایک صنعت نہیں بلکہ معاشی تبدیلی کا انجن ہے، آئی ٹی سیکٹر برآمدات میں اضافہ، اربوں کی سرمایہ کاری اور نوجوانوں کے لیے روزگار کے مواقع فراہم کر رہا ہے‘۔
"ٹیک ڈیسٹینیشن پاکستان" جیسے مؤثر اقدام کے تحت اس ایونٹ سے تکنیکی ترقی اور سرمایہ کاری کو فروغ حاصل ہوگا، ایونٹ میں 50 ہزار سے زائد شرکاء بشمول ٹیک رہنما، اسٹارٹ اپس، سرمایہ کار، پالیسی ساز اور سفارت کار شامل ہوں گے۔
25 سے زائد ممالک کے عالمی وفود حصہ لیں گے، مستقبل کے کاروباری رجحانات کے متعلق تبادلہ خیال کیا جائے گا، 700 سے زائد نمائش کنندگان اور 100 غیر ملکی مندوبین اے آئی، سائبر سیکیورٹی اور G5 ٹیکنالوجیز کی نمائش میں حصہ لیں گے۔
ایس آئی ایف سی کی معاونت سے یہ ایونٹ قومی ٹیک ایکو سسٹم میں ترقی اور شراکت داری کو مضبوط کرے گا۔
گزشتہ سال آئی ٹی سی این ایشیا میں 500 ملین ڈالر کے معاہدے طے پائے تھے، اس سال اہم معاہدوں کے ساتھ ساتھ بالخصوص ٹیکنالوجی کے شعبے میں سرمایہ کاری کو فروغ دیا جائے گا۔
کانفرنس میں ای۔کامرس، فِن ٹیک، اے آئی اور سائبر سیکیورٹی کے جدید حل پیش کیے جائیں گے، آئی ٹی سی این ایشیا ہائبرڈ ماڈل کے تحت ورچوئل اور فزیکل رسائی کا امتزاج فراہم کرے گا۔
عالمی ٹیک رہنما اور سرمایہ کار پاکستان کی نئی اسٹارٹ اپ کمپنیوں کے ساتھ شراکت داری کریں گے، 'ڈیجیٹل پاکستان' کے وژن کے تحت آئی ٹی سیکٹر نوجوانوں کے روزگار میں اضافے کے لیے کوشاں ہے۔
