- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
- سول ایوی ایشن اتھارٹی سے 13ارب ٹیکس واجبات کی ریکوری
- سندھ میں 15 جیلوں کی مرمت کیلیے ایک ارب 30 کروڑ روپے کی منظوری
انقلاب مارچ سے نیا نظام آئے گا اور اسی کے تحت نئی حکومت بنے گی، طاہرالقادری
لاہور: پاکستان عوامی تحریک کے سربراہ ڈاکٹر طاہرالقادری نے کہا ہے کہ حکومت جھوٹی ہمدریاں حاصل کرنے کے لئے میڈیا پر دباؤ ڈال رہی ہے اور ہمارے خلاف پروپیگنڈا کیا جا رہا ہے۔
لاہور میں پریس کانفرنس کرتے ہوئے ڈاکٹر طاہر القادری کا کہنا تھا کہ طاہرالقادری نے کہا کہ انقلاب مارچ کے لئے 14 اگست کی تاریخ ہم نے مئی کے آخری ہفتے میں طے کر لی تھی اور مئی میں ہی عمران خان کو 14 گست کی تاریخ کے بارے میں بتا دیا تھا، عمران خان نے آزادی مارچ کا اعلان 27 جون کو کیا اور ہم نے یہ فیصلہ کیا تھا کہ مناسب وقت پر انقلاب مارچ کا اعلان کریں گے ۔ انہوں نے کہا کہ نواز شریف اور شہباز شریف کی حکومت کے تحت چلنے والا سارا نظام بھنگ ہے، اس نظام نے حکمرانوں کو مدہوش کر رکھا ہے جو اپنے اقتدار کے لئے معصوم لوگوں کو قتل کرتے ہیں،اس نظام کے تحت کسی کو انتخابات کی اجازت نہیں دیں گے، پہلے اس نظام کا خاتمہ کریں گے، نیا نظام آئے گا اور پھر اس نظام کے تحت ملک میں نئے انتخابات ہوں گے اور نئی حکومت کا قیام عمل میں آئے گا۔
طاہر القادری کا کہنا تھا کہ وزیراعظم نواز شریف نے اپنے بیان میں کہا کہ ہمارے صرف 200 ووٹر ہیں اگر وزیراعظم کی بات کو سچ مان لیا جائے تو اس لحاظ سے پنجاب بھر میں ہمارے ہمدردوں کی کل تعداد 30 ہزار بنتی ہے تو پھر حکمرانوں نے اتنے سے افراد کے لئے پورے پنجاب کوکیوں بند کر دیا، پورے پنجاب میں قیامت برپا کر دی گئی، پاکستان کی تاریخ میں کسی آمر نے بھی کبھی اتنا ظلم کیوں کیا جتنا ان ظالم حکمرانوں نے برپا کر رکھا ہے۔ انہوں نے کہا کہ ہمیں میڈیا آرگنائزیشن کی مجبوریوں کا بخوبی اندازہ ہے مگر مبارکباد کے مستحق ہیں وہ لوگ جو عوام کو سچ دکھانے کی کوشش کر رہے ہیں۔ ان کا کہنا تھا کہ بعض میڈیا گروپ نے ان کے یوم شہدا کے حوالے سے بیان کو غلط انداز میں پیش کیا گیا۔
عوامی تحریک کے سربراہ کا کہنا تھا کہ نوازشریف نے 2 کروڑ کے قریب ووٹ لئے ہیں تو انہیں کس بات کا ڈر، اپنے ووٹرر کو کہیں کہ میدان میں آئیں اور احتجاج کے ذریعے ہمارا راستہ روکیں، اگر آپ کے ووٹر آپ کو اپنا ہمدرد سمجھتے تو ہمارے کارکنوں کی طرح سڑکوں پر نکل آئیں، حکومت کا کوئی رکن اسمبلی 200 افراد کا اجتما ع نہیں کر سکتا۔ انہوں نے کہا کہ کروڑوں لوگوں کے مینڈیٹ کی دعویدار جماعت اب پریس کلب کے سامنے مظاہرہ کر نے والی جماعت بن گئی ہے، پریس کلب کے سامنے تو سول سوسائٹی کے حلقے اور رکشہ یونین والے مظاہرے کرتے ہیں، وہ وقت دور نہیں جب یہ لوگ پریس کلب کے سامنے بھی مظاہرہ نہیں کر سکیں گے۔
طاہر القادری نے کہا کہ گزشتہ 2 روز سے حکومت یہ پروپیگنڈا کر رہی ہے کہ پاکستان عوامی تحریک کے کارکنوں نے فائرنگ کر کے 2 پولیس اہلکاروں کو شہید کردیا لیکن آج کے ایک اخبار نے یہ بات بھی ثابت کر دی ہے کہ جن اہلکاروں کو شہید ظاہر کیا جا رہا ہے ان میں سے ایک حادثے میں جاں بحق ہوا اور دوسرا پولیس مقابلے میں مارا گیا، ہمارے کارکنوں نے پورے ملک میں کہیں بھی پولیس والوں پر کوئی فائرنگ یا تشدد نہیں کیا۔ ان کا کہنا تھا کہ شہباز شریف نے 5 ہزار سے زائد دہشت گردوں کو پنجاب پولیس میں اس سال نوکریاں دیں تاکہ اپنے مخالفین کو ان کے ذریعے دبا سکیں، یہ اہلکار سول لباس میں ملبوس ہوتے ہیں اور انھیں پنجاب حکومت اپنے مقاصد کے لئے استعمال کرتی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔