سہراب گوٹھ میں مقابلے کے دوران 2 دہشت گردوں نے خود کو دھماکے سےاڑالیا، پولیس

کراچی: پولیس کے مطابق سہراب گوٹھ میں  پولیس مقابلے میں 2 دہشت گردوں نے خود کو دھماکے سے اڑالیا  جبکہ ایک کو گرفتار کرلیا گیا۔

ایس ایس پی ملیر راؤ انوار کے مطابق کراچی کےعلاقے سہراب گوٹھ مچھر کالونی میں کالعدم تنظیموں کے کارندوں کی موجودگی کی اطلاع پر سرچ آپریشن کیا گیا جس دوران علاقے میں موجود دہشت گردوں نے پولیس پر فائرنگ کردی جس کے بعد پولیس کی جانب سے جوابی کارروائی کی گئی تو 2 مبینہ دہشت گردوں نے خود کو دھماکا خیز مواد سے اڑا لیا جبکہ پولیس نے مقابلے کے بعد ایک دہشت گرد کو گرفتار کرلیا۔

راؤ انوار کا کہنا تھا کہ گرفتار دہشت گرد کی شناخت قاری احسان اللہ کے نام سے ہوئی جو کالعدم تنظیم کا کارندہ ہے جبکہ ہلاک ہونے والے دہشت گردوں کی تاحال شناخت نہیں پائی ہے۔