- ملیر میں ڈکیتی مزاحمت پر خاتون قتل، شہریوں کے تشدد سے ڈاکو بھی ہلاک
- افغانستان میں طوفانی بارش سے ہلاکتوں کی تعداد 70 ہوگئی
- فوج نے جنرل (ر) فیض حمید کیخلاف الزامات پر انکوائری کمیٹی بنادی
- ٹی 20 ورلڈ کپ: ویرات کوہلی کو بھارتی اسکواڈ میں شامل کرنے کا فیصلہ
- کراچی میں ڈاکو راج؛ جماعت اسلامی کا ایس ایس پی آفسز پر احتجاج کا اعلان
- کراچی؛ سابق ایس ایچ او اور ہیڈ محرر 3 روزہ ریمانڈ پر پولیس کے حوالے
- شمالی وزیرستان میں پاک-افغان سرحد پر دراندازی کی کوشش کرنے والے7دہشت گرد ہلاک
- کیا یواے ای میں ریکارڈ توڑ بارش ’’کلاؤڈ سیڈنگ‘‘ کی وجہ سے ہوئی؟ حکام کی وضاحت
- اسلام آباد میں غیرملکی شہری کو گاڑی میں لوٹ لیا گیا
- بیلف اعظم سواتی کو ایف آئی اے سائبر کرائم سے برآمد کراکے پیش کرے، عدالت
- بلوچستان کے مختلف اضلاع میں طوفانی بارش کا سلسلہ جاری، ندی نالوں میں طغیانی
- قومی ٹیم میں تمام کھلاڑی پرفارمنس کی بنیاد پر آتے ہیں، بابراعظم
- فوج کی کسی شخصیت کا نام لینا اور ادارے کا نام لینا علیحدہ باتیں ہیں، بیرسٹر گوہر
- قائد اعظم یونیورسٹی شعبہ جاتی کارکردگی میں عالمی سطح پر بہترین جامعات میں شامل
- سابق ٹیسٹ کپتان سعید انور جعلی سوشل میڈیا اکاؤنٹ سے پریشان
- کنگنا رناوت کی بکواس کا جواب دینا ضروری نہیں سمجھتی؛ پریانکا گاندھی
- سائفر کیس میں وزارتِ خارجہ کے بجائے داخلہ مدعی کیوں بنی، چیف جسٹس اسلام آباد ہائیکورٹ
- اسٹاک مارکیٹ میں مندی کا رجحان، انڈیکس 70 ہزار 333 پوائنٹس پر بند
- 19 ویں صدی کے قلعہ سے 100 برس پُرانی برطانوی ٹرین کار دریافت
- وزن کم کرنیوالی ادویات اور خودکشی کے خیالات میں تعلق کے متعلق اہم انکشاف
پیپلز پارٹی جمہوریت کو ڈی ریل نہیں ہونے دیگی، نثار کھوڑو
کراچی: سندھ کے سینئر وزیر اور سیاسی جماعتوں سے مشاورت کے لیے پیپلز پارٹی کی کمیٹی کے رکن نثاراحمد کھوڑو نے کہا ہے کہ ملک کی سلامتی جمہوریت میں ہے اور پیپلز پارٹی جمہوریت کو ڈی ریل نہیں ہونے دے گی۔
احتجاج کرنا تمام سیاسی جماعتوں کا حق ہے اس لیے عمران خان اور طاہرالقادری آئین کے دائرہ کارمیں رہ کر احتجاج کریں، اگر جمہوری سسٹم ڈی ریل ہوا تو نقصان سب کا ہوگا،ان خیالات کااظہار انھوں نے بدھ کی شب جشن آزادی کے حوالے سے سندھ اسمبلی میں چراغاں کرنے کی تقریب اور صحافیوں سے گفتگو میں کیا، انھوں نے کہا کہ موجودہ سیاسی صورتحال میں طاقت کا استعمال کسی مسئلے کا حل نہیں اس لیے وفاقی حکومت سمیت تمام سیاسی جماعتیں ڈائیلاگ کی پالیسی اپنائے اور انا کو ختم کریں، جمہوریت کی بقا کیلیے پیپلز پارٹی پل کا کردار ادا کرنے کیلیے تیار ہے۔
انھوں نے عمران خان اور طاہرالقادری کو مشورہ دیتے ہوئے کہاہے کہ بہتری کی ہر وقت گنجائش ہوتی ہے اس لیے اگر انہیں الیکشن کمیشن اور حلقوں پر خدشات ہے تو انھیں مذاکرات کرنے چاہیے، قبل ازیں سندھ اسمبلی میں جشن آزادی کی تقریب منعقد ہوئی جس میں سینئر وزیر نثاراحمد کھوڑو سمیت اراکین سندھ اسمبلی میں موم بتیاں جلا کر جمہوریت کو بچانے کیلیے کردار ادا کرنے والی عوام اور فوجی جوانوں کو خراج تحسین پیش کیا گیا ،اس موقع پر آتشبازی کا بھی مظاہرہ کیا گیا۔
علاوہ ازیں یوم آزادی کے موقع پر نکالی جانے والی پاکستان ریلی کے سلسلے میں قائم استقبالیہ کیمپ میں پریس کانفرنس سے خطاب کرتے ہوئے عبدالقادر پٹیل اور نجمی عالم نے پریس کانفرنس سے خطاب کرتے ہوئے کہا کہ وزیراعظم نواز شریف کی تقریر کے بعد اب صورتحال معمول پر آنی چاہیے کیونکہ انھوں نے جو سپریم کورٹ کے ججوں پر مشتمل 3 رکنی کمیشن کا اعلان کیا ہے وہ مناسب ہے اور قومی سیاسی پارٹیوں کا اس پر اتفاق رائے ہے۔
انھوں نے کہا کہ اس وقت ملکی صورتحال انتہائی گھمبیر اور مخدوش ہے جو چند مہم جو پارٹیوں کی وجہ سے ہے جو ملک میں موجود اصل مسائل سے ہٹ کر نعرے بلند کررہے ہیں، بجائے اس کے کہ وہ عوام کو درپیش مسائل اور ان کا حل پیش کرتے، پہلے سے موجودہ مسائل میں اضافہ کا سبب بن رہے ہیں جس کی وجہ سے ملک اقتصادی وسیاسی طور پر عدم استحکام کا شکار ہورہا ہے،معاشی صورتحال مزید خراب ہورہی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔