- گورننس کے نظام میں اصلاحات اور معاشی استحکام حکومت کی اولین ترجیح ہے، وزیراعظم
- سفاک بھائی اور باپ نے ملکر کر لڑکی کو سفاکانہ انداز سے قتل کردیا
- ماسکو حملہ کے بعد تاحال 95 سے زائد افراد لاپتہ ہیں، رپورٹ
- ججز کے خط کا معاملہ، وزیراعظم اور چیف جسٹس کی اہم ملاقات آج ہوگی
- ہائی کورٹ ججز کے خط پر چیف جسٹس کی زیرصدارت فل کورٹ اجلاس آج بھی ہوگا
- پنجاب یونیورسٹی میں لڑکی کو چھیڑنے سے روکنے پر اوباش لڑکے کی کلرک پر فائرنگ
- کراچی: رشتے کے تنازع پر فائرنگ سے ماں جاں بحق، بیٹی زخمی
- پاکستان نے اسرائیل کو ہتھیاروں کی فراہمی پر پابندی کی حمایت کردی
- اردو یونیورسٹی کی پرنسپل سیٹ کی منتقلی کی جانب پہلا قدم، کراچی میں کیمپس انچارجز تعینات
- ججوں کے الزامات پر تحقیقات کیلئے سپریم کورٹ کی کمیٹی تشکیل دی جائے، پاکستان بار کونسل
- بشری بی بی خوش قسمت، بیڈ روم میں مزے سے شہد کھا کر قید کاٹ رہی ہیں، عظمیٰ بخاری
- جرمنی میں موٹروے پر بس کے خوفناک حادثے میں 5 افراد ہلاک
- اروند کیجریوال کی گرفتاری سے متعلق امریکی بیان پر بھارت کا شدید ردعمل
- سندھ میں اسمگل شدہ اسلحے کے لائسنس جاری ہونے کا انکشاف
- چائنیز انجینئروں کی بس پر خودکش حملے کا مقدمہ سی ٹی ڈی میں درج
- وزیراعلیٰ بلوچستان کا غیر حاضر سرکاری ملازمین کے خلاف بلا امتیاز کارروائی کا حکم
- کراچی میں ڈاکو فیکٹری ملازمین سے ایک کروڑ 82 لاکھ روپے چھین کر فرار
- پاکستان میں دہشت گردی کا منبع افغانستان میں ہے، وزیر دفاع
- پنجاب: شہریوں کو دھاتی ڈور سے بچانے کے لیے موٹرسائیکلوں پر حفاظتی وائرز کی تنصیب
- اسمارٹ فون صارفین جعلسازیوں کی نئی لہر سے ہوجائیں ہوشیار!
کوئی اکیلا ملکی مسائل حل نہیں کرسکتا، قومی حکومت بنائی جائے، چوہدری شجاعت
لاہور: مسلم لیگ (ق) کے سربراہ چوہدری شجاعت حسین نے کہا ہے کہ ملکی مسائل کے حل کیلیے قومی حکومت بنانی چاہئے جس میں تمام سیاسی جماعتیں شامل ہوں، ہمارے انقلاب کا پہلا مطالبہ وزیراعظم کا استعفیٰ ہے۔
ایکسپریس نیوز کے اینکر پرسن جاوید چوہدری سے خصوصی گفتگو میں انھوں نے کہا کہ حکومت نے اپنے پیر پر خود کلہاڑی ماری، انھوں نے ایک سال میں ہی حالات کو انتہائی خراب کردیا، اب عوام کا مطالبہ اور دباؤ ہے کہ وزیراعظم استعفیٰ دیں۔
ہم مارشل لا لگوانا چاہتے ہیں نہ مارشل لا لگے گا، اگر ملک کے مسائل حل کرنا ہیں تو پھر نیک نیتی کے ساتھ سب کو مل کرکام کرنا چاہیے، کوئی ایک سیاسی جماعت، عدلیہ یا آرمی تمام مسائل حل نہیں کرسکتے، ایک قومی حکومت ہی مسائل حل کرسکتی ہے جس میں تمام سیاسی جماعتیں شامل ہوں، اگر مسائل حل کرنے ہیں تو نیک نیتی کے ساتھ بیٹھنا ہوگا، پرانی دشمنیوں کو ذہنوں سے نکالنا ہوگا، ملک اور قوم کے مفاد میں نوازشریف سے ہاتھ ملانے کو تیار ہوں۔
انھوں نے کہا کہ شہباز شریف نے بچگانہ باتیں کی ہیں میںانکی باتوں کو چیلنج کرتاہوں وہ ایکسپریس نیوز پر تین چار سینئر صحافیوں کے سامنے مناظرہ کرلیں، اس وقت شہباز شریف کی حکومت ہے تمام کاغذات اور بینک ریکارڈ وہ لے سکتے ہیں وہ مجھے بینک ڈیفالٹر ثابت کردیں تو میں ان سے معافی مانگ لوں گا، اس وقت حکومت کوجانا چاہئے۔
مسلم لیگ کے صدر چوہدری شجاعت اور سینئر مرکزی رہنما چوہدری پرویزالٰہی نے عمران خان اور پرامن لانگ مارچ کے شرکا پر ن لیگیوں کی فائرنگ اور پتھراؤ کی شدید مذمت کرتے ہوئے وزیراعظم نواز شریف اور وزیراعلیٰ پنجاب شہباز شریف کو ذمے دار قرار دیتے ہوئے کہا ہے کہ ان کی ہدایت کے بغیر یہ سب نہیں ہو سکتا تھا۔ دونوں رہنماؤں نے کہا کہ یہ کیسے حکمراں ہیں جو خود بدامنی پھیلا رہے ہیں، ایسی حرکتوں سے شریف برادران کی جمہوریت کا اصل چہرہ سامنے آگیا ہے، پرامن سیاسی مخالفین کو گولیوں، اینٹوں، پتھروں اور لاٹھیوں کا نشانہ بنانا کیسی جمہوریت ہے۔
پرویز الٰہی نے انقلاب مارچ میں شامل مسلم لیگی رہنماؤں سے خطاب کرتے ہوئے کہا کہ شریف برادران کو یہ بات نہیں بھولنی چاہیے کہ پرامن مارچ کے قائدین اور کارکنوں پر حملے کروا کر وہ لانگ مارچ کا راستہ نہیں روک سکتے اور نہ اپنے ختم ہوتے اقتدار کو طول دے سکتے ہیں، ان کا جانا نوشتہ دیوار ہے۔ این این آئی کے مطابق پرویزالٰہی نے کہا ہے کہ نواز شریف پہلے استعفیٰ دیں پھر ان سے اگلی بات ہوگی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔