- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
آئی سی سی کا فیصلہ مایوس کن ضرور لیکن فائٹر ہوں جلد کرکٹ میں واپس آؤں گا، سعید اجمل
لاہور: انٹرنیشنل کرکٹ کونسل کی جانب سے غیر قانونی بولنگ ایکشن کے باعث پابندی کا سامنا کرنے والے جادوگر اسپینر سعید اجمل نے اس عزم کا اظہار کیا ہے کہ وہ اپنے بولنگ ایکشن کو درست کرکے آئندہ ورلڈ کپ میں ایکشن میں نظر آئیں گے۔
غیر ملکی خبر رساں ایجنسی سے گفتگو کرتے ہوئے سعید اجمل نے کہا کہ پابندی ان کے لیے مسئلہ نہیں، آئی سی سی نے مجھے بو لنگ کرنے سے اس لئے روکا ہے کہ بولنگ کے دوران میرا بازو 15 ڈگری سے زیادہ زاویئے بنا رہا تھا لیکن مجھے یقین ہے کہ میں جلد اسے درست کر لوں گا۔ ان کا کہنا تھا کہ آئی سی سی کے میڈیکل چیک اپ کا نتیجہ مایوس کن ہے تاہم میں ایک فائٹر ہوں اور جانتا ہوں کہ ورلڈ کپ سے قبل انٹرنیشنل کرکٹ میں واپسی کیسے بناؤں، ایک سوال کے جواب میں سعید اجمل کا کہنا تھا کہ اپنے بولنگ ایکشن کی درستگی کے لیے وہ سابق کھلاڑیوں سے بھی مدد لیں گے کیونکہ ورلڈ کپ میں پاکستان کے لیے کھیلنا میرا خواب ہے اورمیں اسے پورا کروں گا۔
راشد لطیف نے غیر ملکی خبررساں ایجنسی سے بات کرتے ہوئے کہا کہ بولنگ ایکشن پر نئے قوانین کے بعد انہیں اس فیصلے پر حیرت نہیں ہوئی کیونکہ پہلے بولرز کو میڈیکل کی بنیاد پر شک کا فائدہ دے دیا جاتا تھا تاہم اب ٹیکنالوجی نے اس کام کو شفاف اورآسان کردیا ہے لیکن سعید اجمل ایک فائٹر ہے اور اس کی واپسی جلد ہوگی۔ ان کا کہنا تھا کہ پی سی بی کو چاہئے کہ اجمل کے بولنگ ایکشن کو درست کرنے کے لیے سابق عظیم اسپنرز ثقلین مشتاق، عبدالقادر اور مشتاق احمد سے مدد لی جائے۔
شیعب اخترنے تبصرہ کرتے ہوئے سعید اجمل کو مشورہ دیا کہ وہ نہ صرف اپنی پابندی کو بلکہ اس پورے نئے طریقہ کار کو چیلنج کریں اور آئی سی سی کو عدالت لے جائیں اور یہ جنگ انہیں اکیلے ہی لڑنا پڑے گی۔
دوسری جانب پاکستان کرکٹ بورڈ کا کہنا تھا کہ ہمارے پاس اپیل کے لئے 14 دن کا وقت ہے اور اس حوالے سے ہم اپنی حکمت عملی تیار کررہے ہیں تاہم جو بھی فیصلہ کیا جائے گا وہ انتہائی سوچ سمجھ کر کیا جائے گا جب کہ چیف سلیکٹر معین خان نے کہا کہ امید ہے کہ اجمل جلد اپنے ایکشن کو درست کرلیں گے تاہم بورڈ نے ان کا نعم البدل تلاش کرنا شروع کردیا ہے اورا سکے لیے بیک اپ پلان کے تحت دو تین اچھے اسپینرز کو نیشنل کرکٹ اکیڈمی میں طلب کر لیا گیا ہے تاکہ سعید کی واپسی تک ان کا کوئی متبادل تلاش کیا جاسکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔