- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
گنگولی پاک بھارت باہمی مقابلوں کی کمی پر افسردہ
نئی دہلی: سابق بھارتی کپتان سارو گنگولی انٹرنیشنل سطح پر پاک بھارت مقابلوں کی کمی پر افسردہ ہیں۔
ان کے مطابق دونوں ممالک کے مابین کرکٹ روابط جلد بحال ہونے چاہیئں۔ 2008 میں ممبئی حملوں کے بعد سے روایتی حریفوں کی باہمی سیریز اب تک معطل ہے لیکن حال ہی میں اس حوالے سے حوصلہ افزا خبریں سامنے آئیں، دونوں اطراف کے کرکٹ حکام آئندہ برس مقابلوں کے خواہشمند ہیں، بھارتی بورڈ نے پاکستان سے سیریز کی بحالی کیلیے اپنی حکومت سے اجازت بھی طلب کرلی ہے۔ سارو گنگولی نے ایک انٹرویو میں کہا کہ پاک بھارت سیریز ایشز سے بڑی ہے۔
اس میں دونوں اطراف کے کھلاڑی سردھڑ کی بازی لگا دیتے ہیں، یہی بات اسے دوسرے ایونٹس سے ممتاز رکھتی ہے ۔ روایتی حریفوں کے مابین مقابلوں میں تعطل انٹرنیشنل کرکٹ کیلیے بھی افسوسناک ہے ، میں پُرامید ہوں کہ دونوں ممالک کے حکام جلد ازجلد اس مسئلے کو حل کرلیں گے اوردنیائے کرکٹ کی 2 عظیم ٹیمیں ایک بار پھر ایکشن میں نظر آئیں گی۔ گنگولی نے اپنے کیریئر کے یادگار لمحات کا تذکرہ کرتے ہوئے بتایا کہ 2004 میں پاکستان کا دورہ کبھی نہیں بھول سکتا، ہم کافی عرصے بعد پڑوسی ملک گئے تھے، وہاں کی عوام نے والہانہ استقبال کیا، ہر کوئی ہمیں سر آنکھوں پر بٹھا رہا تھا۔
انھوں نے کہا کہ چند روزپہلے میں اور وسیم اکرم ان دنوں کی یادیں تازہ کررہے تھے، میں نے ان سے کہا کہ وہ خوش وار یادیں بھولنا چاہیں بھی تو نہ بھول پائیں گے۔ سری لنکا کیخلاف سیریز میں پاکستانی ٹیم کی شکست پر تبصرہ کرتے ہوئے سابق بھارتی کپتان نے کہا کہ میں حیران ہوں کہ وہ ملک جس نے ہر دور میں بہترین ٹیلنٹ متعارف کرایا کیسے اس طرح ہار گیا، میں جب کرکٹ کھیلتا تھا تو سعید انور، انضمام الحق اور محمد یوسف جیسے مایہ ناز بیٹسمین موجود تھے۔
بولنگ میں وسیم اکرم، وقار یونس اور ثقلین مشتاق کا کوئی ثانی نہ تھا، موجودہ دور میں پاکستان سے اس لیول کے کھلاڑی سامنے نہیں آرہے جو مجھ سمیت ہر کرکٹر کیلیے تکلیف دہ ہے۔ انھوں نے کہا کہ ہر ملک پر ایسا وقت آتا ہے جب اس کے کھلاڑی مشکلات سے دوچار ہوتے ہیں، امید ہے کہ بہت جلد پاکستان کم بیک کرے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔