ہالی وڈ کی دنیا میں ابھی تک کوئی دلچسپ اسکرپٹ نہیں ملا ریتک روشن

بالی وڈ کی نئی آنے والی فلم ’بینگ بینگ‘ میری زندگی کی سب سے آسان فلم ہے، ریتک روشن

ویب ڈیسک September 26, 2014

بالی وڈ کی نئی آنے والی فلم ’بینگ بینگ‘ میری زندگی کی سب سے آسان فلم ہے، ریتک روشن فوٹو:فائل

بھارتی فلم نگری کے سپر اسٹار ریتک روشن جنہیں بے شمار ہالی وڈ فلموں میں کام کرنے کی پیش کش ہوئی ہے لیکن وہ کہتے ہیں کہ ہالی وڈ میں انہیں ابھی تک کوئی دلچسپ اسکرپٹ ہی نہیں ملا جس پر وہ کام کرسکیں۔

اپنے ایک انٹرویو کے دوران ریتک روشن کا کہنا تھا کہ ہالی وڈ پراجیکٹ ہمیشہ ان کے پاس رہتے ہیں، اور بہت سی فلموں میں انہیں کام کرنے کی آفر بھی ہوئی ہیں لیکن ابھی تک کوئی ایسا دلچسپ اسکرپٹ نہیں ملا جس پر وہ کام کریں۔ اپنی نئی آنے والی بالی وڈ فلم 'بینگ بینگ' سے متعلق ریتک روشن کا کہنا تھا کہ وہ ان کی زندگی کی سب سے آسان فلم ہے، انہوں نے کہاکہ اگر کوئی شخص زندگی میں نہایت مشکل اور کٹھن حالات سے گزرا ہوتو اسے زندگی آسان لگنے لگتی ہے اور وہ ہر چیلنج کا ڈٹ کر سامنا کرتا ہے۔

ریتک روشن 'زندگی نہ ملے گی دوبارہ'، 'اگنی پتھ' اور' کرش 3 ' جیسی سپر ہٹ کے بعد اب ہریتک اپنےچاہنے والوں کو نظر آیئں گے نئی فلم 'بینگ بینگ' میں ایک نئے روپ میں۔