سندھ کے دشمنوں کا گلا دبانے سے بھی دریغ نہیں کریں گے ذوالفقار مرزا

آج جس لندن پلان کا ذکر آج کیا جارہا ہے اس ذکر 2010 میں اسمبلی میں کر چکا ہوں، سابق وزیرداخلہ سندھ

ویب ڈیسک September 26, 2014

سندھ پر میلی نظر ڈالنے والے کی آنکھیں نکال دیں گے, ذوالفقار مرزا ۔فوٹو: فائل

ISLAMABAD: سابق وزیر داخلہ سندھ ذوالفقار مرزا کا کہنا ہے کہ سندھ پر میلی نظر ڈالنے والوں کی آنکھیں نکال دیں گے اور اس دھرتی کے دشمنوں کا گلا دبانے سے بھی دریغ نہیں کریں گے۔

ایکسپریس نیوز کےمطابق بدین میں تقریب سے خطاب کرتے ہوئے ذوالفقار مرزا نے کہا کہ اگر سندھ کی تقسیم کی بات کی گئی تو صوبے کا بچہ بچہ اس کی مزاحمت کرے گا، سندھ دھرتی پر کوئی آنچ نہیں آنے دیں گے اس کے دفاع میں اگر جان بھی دینا پڑی تو خوشی محسوس کریں گے جبکہ صوبے پر میلی نظر ڈالنے والوں کی آنکھیں نکال دیں گے اور ان کا گلا دبانے سے بھی دریغ نہیں کریں گے۔

ذوالفقار مرزا کا کہنا تھا کہ آج جس لندن پلان کا ذکر آج کیا جارہا ہے اس ذکر 2010 میں اسمبلی میں کر چکا ہوں جبکہ اس وقت میں نے ہی مرسوں مرسوں سندھ نہ ڈیسوں کا نعرہ لگایا جس پر آج خوشی ہے کہ میرا نعرہ بلاول بھٹو زرداری لگا رہے ہیں۔