امریکا لائن آف کنٹرول پربھارتی جارحیت پر تشویش سے آگے نہ بڑھ سکا

ویب ڈیسک  منگل 7 اکتوبر 2014
کشمیر کے مسئلے کے حل کے لئے دونوں ممالک کے درمیان بات چیت ضروری ہے، جین ساکی   فوٹو: فائل

کشمیر کے مسئلے کے حل کے لئے دونوں ممالک کے درمیان بات چیت ضروری ہے، جین ساکی فوٹو: فائل

واشنگٹن: امریکا نے لائن آف کنٹرول پر پاکستان اوربھارت کے درمیان کشیدگی پر تشویش کا اظہار کیا ہے۔

امریکی محکمہ خارجہ کی ترجمان جین ساکی نے واشنگٹن میں نیوز بریفنگ کے دوران لائن آف کنٹرول کی صورتحال پر تشویش کا اظہار کرتے ہوئے کہا کہ پاکستان اور بھارت لائن آف کنٹرول سمیت تمام معاملات مذاکرات سے حل کریں۔ انہوں نے کہا کہ کشمیر سے متعلق امریکا کی پالیسی میں کوئی تبدیلی نہیں آئی ہے، کشمیر کے مسئلے کے حل کے لئے دونوں ممالک کے درمیان بات چیت ضروری ہے اور مذاکرات کے مستقبل اور اس کی نوعیت کا تعین پاکستان اور بھارت نے خود ہی کرنا ہے۔

ترجمان محکمہ خارجہ کا کہنا تھا کہ وزیراعظم نواز شریف کے دورہ امریکا کے دوران خطے میں امن پر بات ہوئی تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔