آسٹریلیا کے خلاف سیریزبچانے کیلئے کھلاڑیوں کو غلطیاں دہرانے سے گریز کرنا ہوگا مصباح الحق

آسٹریلیا کےخلاف ون ڈے سیریزبچانے کا کل آخری موقع ہے اورامید ہےکہ میچ جیت کرسیریزمیں واپس آجائیں گے،کپتان قومی کرکٹ ٹیم

ویب ڈیسک October 09, 2014

آسٹریلیا کے خلاف دوسرا ایک روزہ میچ انتہائی اہم ہے،مصباح الحق۔ فوٹو: فائل

قومی کرکٹ ٹیم کے کپتان مصباح الحق کا کہنا ہے کہ آسٹریلیا کے خلاف ون ڈے سیریز بچانے کا کل آخری موقع ہے اور امید ہے کہ میچ جیت کر سیریز میں واپس آ جائیں گے۔

دبئی میں پریس کانفرنس کرتے ہوئے مصباح الحق کا کہنا تھا کہ آسٹریلیا کے خلاف دوسرا ایک روزہ میچ انتہائی اہم ہونے کے ساتھ سیریز بچانے کا آخری موقع ہے لیکن امید ہے کہ کہ کینگروز کے خلاف دوسرا ایک روزہ میچ جیت کر سیریز میں واپس آ جائیں گے تاہم اس کے لئے تمام لڑکوں کو ماضی کی غلطیاں دہرانے سے گریز کرنا ہوگا۔ انہوں نے کہا کہ آل راؤنڈر محمد حفیظ آخری لمحات میں زخمی ہو کر سیریز سے باہر ہو گئے جب کہ دیگر فٹنس مسائل کے باعث ٹیم کا کمبی نیشن بنانے میں مشکل پیش آئی۔

واضح رہے کہ آسٹریلیا نے 3ایک روزہ میچز کے پہلے میچ میں پاکستان کو 93 رنز سے شکست دے کر سیریز میں 0-1 کی برتری حاصل کرلی ہے۔