ملک کے بیشتر علاقوں میں آئندہ 3 روز تک موسم گرم اور خشک رہے گا، محکمہ موسمیات

کراچی: محکمہ موسمیات کا کہنا ہےکہ آئندہ 2 سے 3 روز کے دوران ملک کے بیشتر علاقوں میں موسم خشک اور گرم رہنے کا امکان ہے۔

محکمہ موسمیات کے مطابق ملک کے مختلف علاقوں میں گرمی کی لہر جاری ہے اور آئندہ 2 سے 3 روز کے دوران بھی بیشتر علاقوں میں موسم خشک اور گرم رہنے کا امکان ہے ، ملک میں آج سب سے زیادہ گرمی بلوچستان کے ضلع لسبیلہ اورسندھ کے  چھور میں پڑی جہاں درجہ حرارت42 ڈگری سینٹی گریڈ رہا جب کہ کراچی میں درجہ حرارت 41 ڈگری سینٹی گریڈ ریکارڈ کیا گیا،سندھ کے دیگرشہروں  میرپور خاص اور مٹھی میں سورج پورا دن آگ برساتارہا   اور درجہ حرارت 41 ڈگری سینٹی گریڈ تک جا پہنچا جبکہ ٹھٹھہ میں 40 اور حیدرآباد میں پارہ 39 پر رہا۔