اثاثوں کی تفصیلات جمع نہ کرانے پر وزیراعلیٰ خیبرپختونخوا کی اسمبلی رکنیت معطل ہونے کا امکان

903ارکان پارلیمنٹ نےاثاثوں کی تفصیلات جمع کرادی ہیں جن میں سینیٹ کے100اورقومی اسمبلی کے278اراکین شامل ہیں،الیکشن کمیشن

ویب ڈیسک October 14, 2014

وزیراعلیٰ خیبرپختونخوا پرویز خٹک سمیت اب تک 268 ارکان کی جانب سے اثاثوں کی تفصیلات جمع نہیں کرائی گئی ہیں،الیکشن کمیشن، فوٹو؛فائل

الیکشن کمیشن کو 903 ارکان پارلیمنٹ کے اثاثوں کی تفصیلات موصول ہوگئیں جبکہ وزیراعلیٰ خیبرپختونخوا پرویز خٹک سمیت اب تک 168 ارکان نے تفصیلات جمع نہیں کرائیں۔

الیکشن کمیشن کے مطابق 903 ارکان پارلیمنٹ کی جانب سے اثاثوں کی تفصیلات جمع کرادی گئی ہیں جن میں سینیٹ کے 100 اور قومی اسمبلی کے 278 اراکین شامل ہیں جبکہ سندھ اسمبلی کے 134، پنجاب کے 249، خیبرپختونخوا کے 87 اور بلوچستان اسمبلی کے 55 ارکان نے اثاثوں کی تفصیلات جمع کرائی ہیں۔

الیکشن کمیشن کے حکام کا کہنا ہے کہ وزیراعلیٰ خیبرپختونخوا پرویز خٹک سمیت اب تک 268 ارکان کی جانب سے اثاثوں کی تفصیلات جمع نہیں کرائی گئی ہیں۔ حکام کا کہنا تھا کہ اگر پرویز خٹک نے اثاثوں کی تفصیلات جمع نہیں کرائی تو ان کی اسمبلی رکنیت بھی معطل کی جاسکتی ہے۔