اقوام متحدہ میں پاکستان کے مستقل مندوب مسعود خان نے بان کی مون سے ملاقات کی اور لائن آف کنڑول اور ورکنگ باؤنڈری پر بھارتی جارحیت کے خاتمے کے لئے اپنا کردار ادا کرنے پر زور دیا۔
پاکستان کے سرکاری نشریاتی ادارے کے مطابق اقوام متحدہ میں پاکستان کے مستقبل مندوب مسعود خان نے نیویارک میں بان کی مون سے ملاقات کی اور انہیں لائن آف کنڑول اور ورکنگ باؤنڈری پر بھارتی جارحیت کے حوالے سے آگاہ کیا۔ ان کا کہنا تھا کہ پاکستان بھارت کے ساتھ مسئلہ کشمیر سمیت تمام مسائل کا پر امن حل چاہتا ہے اور اس حوالے سے اقوام متحدہ بھارتی جارحیت رکوانے کے لئے اپنا کردار ادا کرے۔
واضح رہے کہ بھارت کی جانب سے 30 ستمبر سے لائن آف کنڑول اور ورکنگ باؤنڈری پر سیز فائر کی مسلسل خلاف ورزکی کی جا رہی ہے جس کے نتیجے میں اب تک 12 پاکستانی شہید اور درجنوں زخمی ہو چکے ہیں۔