- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
’’نامعلوم افراد‘‘ کی کامیابی سے فلم انڈسٹری کے مردہ جسم میں جان پڑ گئی،عروہ حسین
لاہور: پاکستانی اداکارہ و ماڈل عروہ حسین نے کہا ہے کہ کیریئر کی پہلی فلم ’’نامعلوم افراد ‘‘ کی باکس آفس پرکامیابی ٹیم ورک کا نتیجہ ہے۔
مستقبل میں بھی معیاری فلموں میں کام کرتی رہوں گی‘ اچھے اور منفرد کردار کرنا میری اولین ترجیح ہے، فلموں میں گلیمرگرل نہیں بلکہ ایک اچھی اداکارہ کے طور پر پہچان بنانا چاہتی ہوں‘ بالی ووڈ سے فلموں میں کام کرنے کی پیشکش ہے لیکن فی الحال اپنے ہی ملک میں کام کرنے کو ترجیح دوں گی۔ عروہ حسین نے ’’ ایکسپریس ‘‘ سے خصوصی گفتگو کرتے ہوئے کہا ہے کہ ’’نامعلوم افراد‘‘ کوجس طرح سے پذیرائی ملی، اس پر فلم بینوں کی بے حد شکرگزارہوں کہ جنہوں نے ہماری اس کاوش کوسراہا ہے۔
عروہ کا کہنا ہے کہ فلم بیشک ایک بڑا میڈیم ہے مگر بدقسمتی سے ہمارے ہاں اس میں بہتری لانے کی کوشش ہی نہیں کی گئی جس کی وجہ سے فلم ٹریڈ بحران سے دوچارہوگئی۔ فارمولا فلموں کا دورختم ہوچکا ہے، اب جدید ٹیکنالوجی کے ساتھ نئے موضوعات پرفلمیں بناکر ہی فلم بینوںکو سینما گھروں تک لایا جا سکتا ہے۔
انھوں نے کہا کہ اگر ہمارے سنیئرز نئے ٹیلنٹ کو آگے لاتے تو آج ہماری فلمیں بھی بین الاقوامی مارکیٹ میں نمائش کی جارہی ہوتیں۔ یہ بات اب ثابت ہوچکی ہے کہ نوجوان ہی پاکستان فلم انڈسٹری کو بین الاقوامی مارکیٹ تک لے جاسکتے ہیں۔ نئے لوگ فلم میکنگ میں جس جذبے اور لگن کے ساتھ کام کر رہے ہیں اس کی وجہ سے اب ہماری فلموں کو بالی ووڈ کے مقابلے میں پسند کیا جارہا ہے۔ اس سے فلم انڈسٹری کے مردہ جسم میں جان پڑ گئی ہے اور جلد ہی یہاں پر معیاری فلمیں بننے کا عمل تیزہوجائے گا۔
عروہ حسین نے کہا کہ معروف بزنس مین اور سماجی شخصیت ملک ریاض حسین کی زندگی پر بننے والی فلم ’’ملک ‘‘ میں ہمایوں سعید کے مقابل ہیروئن کا کردار کررہی ہوں جس میں ہمایوں سعید (ملک ریاض حسین ) اور میں ان کی بیوی کا کردار نبھا رہی ہوں ۔ یہ بھی ایک چیلنجنگ کردار ہے اور اس فلم میں بھی لوگ مجھے ایک منفرد کردار نبھاتے دیکھیں گے۔ انھوں نے مزید کہا ہے کہ میں فلموں میں ملنے والے بہتر رسپانس کے بعد بھی ٹی وی کے لیے کام کرتی رہوں گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔