- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
- سول ایوی ایشن اتھارٹی سے 13ارب ٹیکس واجبات کی ریکوری
- سندھ میں 15 جیلوں کی مرمت کیلیے ایک ارب 30 کروڑ روپے کی منظوری
- پی آئی اے نجکاری، جلد عالمی مارکیٹ میں اشتہار شائع ہونگے
- صنعتوں، سروسز سیکٹر کی ناقص کارکردگی، معاشی ترقی کی شرح گر کر ایک فیصد ہو گئی
- جواہرات کے شعبے کو ترقی دیکر زرمبادلہ کما سکتے ہیں، صدر
- پاکستان کی سیکنڈری ایمرجنگ مارکیٹ حیثیت 6ماہ کے لیے برقرار
- اعمال حسنہ رمضان الکریم
- قُرب الہی کا حصول
- رمضان الکریم ماہِ نزول قرآن حکیم
- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
قومی ترانے کے احترام میں کھڑا نہ ہونے کا ’جُرم‘
قومی ترانے کا احترام ہر شہری پر ولازم ہوتا ہے۔ تمام ممالک میں ہونے والی تقاریب کے دوران جب قومی ترانہ پڑھا جاتا ہے یا اس کی دُھن بجائی جاتی ہے تو حاضرین احتراماً کھڑے ہوجاتے ہیں، لیکن اگر کوئی ایسانہ کرے یعنی اپنی نشست سے کھڑا نہ ہو تو کیا آپ کے خیال میں اسے سزا ملنی چاہیے؟ اور سزا ہو بھی تو کیا؟ کیا وہ فرد عمرقید یا سزائے موت کا حق دار ہوجاتا ہے؟ یقیناً اس ’ جُرم ‘ کی پاداش میں اسے یہ سخت سزا نہیں ملنی چاہیے۔ مگر پڑوسی ملک بھارت میں ایک نوجوان مسلمان طالب علم کو قومی ترانے کے احترام میں کھڑا نہ ہونے پر عمرقید کی سزا ہوسکتی ہے!
کیرالا کی یونی ورسٹی میں زیرتعلیم، 25سالہ سلمان پر الزام تھا کہ تھیئٹر میں جب قومی ترانہ بجایا گیا تو وہ اپنی نشست پر بیٹھا رہا تھا۔ اس کا یہ اقدام ملک سے غداری کے زمرے میں آتا ہے۔ اس کے علاوہ سلمان پر یہ الزام بھی عائد کیا گیا کہ پندرہ اگست کو اس نے سوشل میڈیا پر بھارت کے یوم آزادی کے حوالے سے سوشل میڈیا پر نامناسب کلمات پوسٹ کیے تھے۔ اور اس کا یہ اقدام انفارمیشن ٹیکنالوجی ایکٹ کے سیکشن 66A کے تحت قابل تعزیر جرم ہے۔
سلمان کو رواں برس بیس اگست کو ریاستی دارالحکومت تریوینڈرم کے ایک علاقے سے حراست میں لیا گیا تھا۔ چھے ستمبر کو مقامی عدالت نے دوسری بار اس کی درخواست ضمانت مسترد کردی۔ سلمان پر الزام ہے کہ جب تھیئٹر میں قومی ترانہ بجایا گیا تو وہ بیٹھا رہا اور نعرے بازی کرتا رہا، جو کہ وطن سے غداری کے مترادف ہے۔ یہ واقعہ 18اگست کو پیش آیا تھا جب فلم کا شو شروع ہونے سے پہلے قومی ترانے کی ویڈیو چلائی گئی۔
سلمان کے ساتھ اس کے کچھ دوست بھی تھے۔ یہ پورا گروپ اس دوران اپنی نشستوں پر بیٹھا رہا تھا، اور نعرے بازی کرتا رہا تھا۔ ان کے اس طرز عمل کے خلاف تھیئٹر میں موجود لوگوںنے احتجاج کیا اور ان لڑکوں سے اُن کی ہاتھا پائی بھی ہوئی۔ بعد میں سلمان اور اس کے دوستوں کے خلاف پولیس میں شکایت درج کروائی گئی۔
سلمان کی گرفتاری اور سزا پرمختلف حلقوں کی جانب سے کڑی تنقید کی جارہی ہے۔ تنقید کرنے والوں میں ایمنسٹی انٹرنیشنل انڈیا بھی شامل ہے۔ مذکورہ ادارے کے ڈائریکٹر پروگرام شیلیش رائے نے اس بارے میں کہا،’’ اس طرح کے فعل کو جرم کے زمرے میں لانا کسی بھی طرح جائز نہیں اگرچہ کسی کو یہ فعل بُرا ہی کیوں نہ لگا ہو۔ کسی شخص کو محض اس بنا پر جیل نہیں ہونی چاہیے کہ اس پر ہلڑبازی اور شورشرابا کرنے کا الزام ہو۔‘‘
رائے نے مزید کہا،’’ ہندوستان کا آئین اور بین الاقوامی قانون آزادی اظہار کے حق کو تسلیم کرتے ہیں، اور اس کے دائرے میں وہ مکالمات، یا فقرے بھی شامل ہیں جو کسی کی ناراضی یا دل شکنی کا سبب بنتے ہوں۔ حکام کو چاہیے کہ وہ اس بنیادی حق کو سلب کرنے کے بجائے اس کا احترام کریں۔ ‘‘
رائے کا کہنا ہے کہ وقت گزرنے کے ساتھ ساتھ ہندوستان کے کئی قوانین و ضوابط میں ترامیم کرنے کی ضرورت ہے۔ ان کا کہنا تھا کہ سلمان کے خلاف درج مقدمہ خارج کرکے اسے رہا کردینا چاہیے۔ اس کے علاوہ بغاوت اور فتنہ انگیزی اور آن لائن تحریر و تقریر سے متعلق ہندوستانی قانون ، آزادیٔ اظہار کے عالمی قانون میں مقرر کردہ عالمی انسانی حقوق کے معیار کے مطابق نہیں ہے۔ ان قوانین کو فوری طور پر منسوخ کردینا چاہیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔