- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
آسٹریلیا ٹاپ پوزیشن کے حصول کا خواب دیکھنے لگا
دبئی: آسٹریلیا ٹیسٹ کرکٹ میں ٹاپ پوزیشن کے حصول کا خواب دیکھنے لگا۔
پاکستان کیخلاف کلین سوئپ سے منزل حاصل ہوجائے گی، مائیکل کلارک اور مچل مارش کی واپسی سے بیٹنگ کو تقویت ملے گی، پیسر مچل جونسن میزبان بیٹنگ لائن کے حوصلے آزمانے کیلیے بیتاب ہیں،اس مشن میں پیٹر سڈل معاونت کرینگے، ناتھن لیون اور اوکیف اسپن کا شعبہ سنبھالنے کیلیے تیار ہیں۔کپتان مائیکل کلارک نے حریف سائیڈ میں سعید اجمل کی غیر موجودگی پر اطمینان کا اظہار کیا ہے، البتہ وہ باصلاحیت کھلاڑیوں کی طرف سے مزاحمت کے خطرات بھی محسوس کر رہے ہیں۔ تفصیلات کے مطابق آسٹریلیا ون ڈے کے بعد ٹیسٹ سیریز میں بھی پاکستان کو وائٹ واش پر مجبور کرکے عالمی رینکنگ میں پہلی پوزیشن حاصل کرنے کیلیے پُرعزم ہے، کینگروز نے دونوں میچز جیت لیے تو ایک بار پھر جنوبی افریقہ کی جگہ طویل فارمیٹ کی نمبر ون ٹیم بن جائیں گے۔ دلچسپ بات یہ ہے کہ آسٹریلیا نے ون ڈے سیریز بھی عالمی رینکنگ میں نمبر 2 کے طور پر شروع کی تھی اور تینوں میچز جیت کر ٹاپ پر جگہ بنائی۔
مہمان بیٹنگ لائن کو2ماہ قبل ہیمسٹرنگ انجری کا شکار ہونے والے کپتان مائیکل کلارک کی واپسی سے تقویت ملے گی جو گذشتہ سال 1093رنز بنا کر ٹیسٹ کرکٹ میں ٹاپ اسکورر رہے تھے، البتہ پاکستان اے خلاف 4 روزہ میچ میں تاثر چھوڑنے میں ناکام رہے اور دونوں اننگز میں بالترتیب 10 اور 5 رنز بنا سکے۔کینگروز کو امید ہے کہ ہیمسٹرنگ انجری سے صحتیاب ہونے والے آل راؤنڈر مچل مارش بھی انجرڈ شین واٹسن کا خلا پُر کرنے کیلیے دستیاب ہونگے، دونوں پلیئرز نے گذشتہ روز طویل نیٹ سیشن کیا، فاسٹ بولنگ اٹیک کی قیادت مچل جونسن کریں گے جو 2 ایک روزہ میچز میں 6 وکٹیں لے کر شاندار فارم کا ثبوت دے چکے ہیں، ان کا ساتھ دینے کیلیے سخت محنت پر یقین رکھنے والے پیٹر سڈل بھی موجود ہوں گے، دبئی کی وکٹ کا ریکارڈ دیکھتے ہوئے 2اسپنرز ناتھن لیون اور سٹویو اوکیف کو میدان میں اتارے جانے کا امکان روشن ہے۔
یاد رہے کہ آسٹریلیا نے اب تک سلو بولرز کی جوڑی کے ساتھ کھیلے جانے والے 6 ٹیسٹ میں سے 5 میں مات کھائی ہے، ایک میچ ڈرا ہوا۔ کپتان مائیکل کلارک کا کہنا ہے کہ پاکستان کو سعید اجمل کی کمی محسوس ہو گی،وہ بہترین بولر ہیں، میزبان ٹیم کی خواہش ہوگی کہ کاش وہ سلیکشن کے لیے دستیاب ہوتے، انھوں نے مزید کہا کہ پاکستان کے پاس ہر طرز کی کرکٹ میں بہت ٹیلنٹ موجود ہے، وہ جو ٹیسٹ الیون بھی میدان میں اتاریں گے وہ بہت باصلاحیت اور ان کنڈیشنز سے واقف ہو گی۔مائیکل کلارک نے کہا کہ میں فٹ ہوچکا ، پریکٹس کے دوران کسی قسم کی تکلیف کا سامنا نہیں کرنا پڑا ، سیریز کے دونوں ٹیسٹ میں عمدہ کارکردگی کا مظاہرہ کرکے آسٹریلوی ٹیم کو فتح دلانا چاہتا ہوں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔