ہندو سکھ فسادات امریکی عدالت نے امیتابھ بچن کو طلب کر لیا

بالی ووڈ اداکار نے اندھرا گاندھی کے قتل کے بعد عوام میں اشتعال پیدا کرنے کی کوشش کی، درخواست گزار

ویب ڈیسک October 28, 2014

عدالت نے امیتابھ بچن کو 21 روز میں پیش ہونے کا نوٹس جاری کیا ہے۔ فوٹو : فائل

KARACHI: امریکی عدالت نے 1984 کے ہندو سکھ فسادات میں انسانی حقوق کی خلاف ورزی کرنے پر بالی ووڈ سپر اسٹار امیتابھ بچن کو عدالت میں طلب کر لیا ہے۔

بھارتی میڈیا رپورٹس کے مطابق امریکی عدالت میں سکھوں کے حقوق کے لئے کام کرنے والے ایک گروپ نے 1984 کے ہندو سکھ فسادات میں انسانی حقوق کی خلاف ورزی کرنے پر امیتابھ بچن کے خلاف درخواست دائر کرتے ہوئے کہا کہ بالی ووڈ اداکار نے اس وقت کے وزیراعظم اندھرا گاندھی کے قتل کے بعد خون کا بدلہ خون سے لینے کا نعرہ لگا کر عوام میں اشتعال پیدا کرنے کی کوشش کی۔ عدالت نے امیتابھ بچن کو 21 روز میں پیش ہونے کا نوٹس جاری کر دیا ہے۔

واضح رہے کہ سکھ فار جسٹس گروپ گزشتہ چند برسوں میں میں 1984 میں ہونے والے ہندو سکھ فسادات میں انسانی حقوق کی خلاف ورزی پر بیشتر بھارتی رہنماؤں کے خلاف درخواستیں جمع کرا چکا ہے۔