وزیراعظم نواز شریف کو افغان صدر کا ٹیلی فون سانحہ واہگہ بارڈر پر اظہار افسوس

پاکستان اور افغانستان کو دہشت گردی کے خاتمے کے لئے مشترکہ کوششیں اور ایک دوسرے سے تعاون کرنا ہوگا، نواز شریف

ویب ڈیسک November 03, 2014

دوران گفتگو دونوں رہنماؤں نے مل کر دہشت گردی کی عفریت کے خاتمے کے عزم کا اعادہ کیا۔ فوٹو: فائل

وزیر اعظم نواز شریف کو افغان صدر اشرف غنی نے ٹیلی فون کرکے سانحہ واہگہ بارڈر میں قیمتی جانوں کے ضیاع پر افسوس کا اظہار کیا۔

ایکسپریس نیوز کے مطابق وزیراعظم نواز شریف کو افغان صدر اشرف غنی نے ٹیلی فون کرکے گزشتہ روز واہگہ بارڈر کے قریب دہشت گردی کی بزدلانہ کاررورائی کی مذمت اور قیمتی جانوں کے ضیاع پر افسوس کا اظہار کیا جب کہ دونوں رہنماؤں نے مل کر دہشت گردی کی عفریت کے خاتمے کے عزم کا بھی اعادہ کیا، اس موقع پر نواز شریف کا کہنا تھا کہ پاکستان اور افغانستان بھائی، ہمسائے اور دوست ہیں جنہیں دہشت گردی کے خاتمے کے لئے مشترکہ کوششیں اور ایک دوسرے سے تعاون کرنا ہوگا۔