نائجیریا میں عاشورہ کے جلوس میں خودکش حملہ، 23 افراد ہلاک اور متعدد زخمی

ابوجا: نائجیریا کے شمال مشرقی ریاست میں عاشورہ کےجلوس کےدوران خود کش حملے میں 23 افراد ہلاک اور متعدد زخمی ہوگئے۔

میڈیا کے مطابق جلوس یوبے ریاست کے ایک مصروف مارکیٹ سے گز رہا تھا کہ اچانک خودکش بمبار نے خود کو دھماکے سے اڑا لیا جب کہ دوسرے خودکش حملہ آور کو گرفتار کر لیاگیا،ریاست یوبے میں ہی پیش آنے والے  دوسرے واقعے میں مسلح افرا نے جیل کے دروازے کو بارودی مواد سےاڑاکر اس میں قید اپنے 144 ساتھیوں کو چھڑا کر فرار ہوگئے، دوسری جانب نایجیریا کی جنگجو تنظیم بوکوحرام نے دونوں واقعے کی ذمہ داری قبول کرلی ہے۔

واضح رہے کہ بوکو حرام گزشتہ 5 سال سے نائجیریا میں  اسلامی ریاست کے قیام کے لیے مسلح جدوجہد کر رہی ہے جس اب تک ہزاروں افراد ہلاک ہوچکے ہیں۔