لائن آف کنٹرول پر بھارتی فوج کی بلااشتعال فائرنگ سے فوجی جوان شہید آئی ایس پی آر

جنگی جنون میں مبتلابھارت کی جانب سےکئی ماہ سےایل اوسی اورورکنگ باؤنڈری پربلااشتعال فائرنگ اورگولا باری کاسلسلہ جاری ہے

ویب ڈیسک November 20, 2014

پاک فوج کی جانب سے بھارتی جارحیت اور اشتعال انگیزی کا منہ توڑ جواب دیا گیا اور دشمن کی بندوقیں خاموش کرادی گئیں،آئی ایس پی آر۔ فوٹو: فائل

بھارتی فورسز کی جانب سے پانڈو سیکٹر میں بلااشتعال فائرنگ کے نتیجے میں پاک فوج کا جوان شہید ہوگیا۔

آئی ایس پی آر کے مطابق بھارتی فورسز نے مظفر آباد کے قریب لائن آف کنٹرول کے پانڈو سیکٹر میں بلااشتعال فائرنگ کی جس کے نتیجے میں پاک فوج کا جوان شہید ہوگیا تاہم پاک فوج کی جانب سے بھارتی جارحیت اور اشتعال انگیزی کا منہ توڑ جواب دیا گیا اور بھرپور جوابی کارروائی کرتے ہوئے دشمن کی بندوقیں خاموش کرادیں۔

واضح رہے کہ جنگی جنون میں مبتلا بھارتی فوج کی جانب سے گزشتہ کئی ماہ سے لائن آف کنٹرول اورورکنگ باؤنڈری پر بلااشتعال فائرنگ اورگولا باری کا سلسلہ جاری ہے جس کی زد میں آکر اب تک فوجی جوانوں سمیت کئی افراد شہید اور درجنوں زخمی ہوچکے ہیں جب کہ یہاں بسنے والے شہریوں کی ایک بڑی تعداد بھی علاقے سے نقل مکانی کرچکی ہے۔