امریکی سپریم کورٹ نے جنوبی کیرولینا میں ہم جنس پرستوں کو شادی کی اجازت دیدی

اٹارنی جنرل نے ہائیکورٹ سے ہم جنس پرستوں کی شادی پرعائد پابندی نہ اٹھانےکی درخواست کی تھی جسےسپریم کورٹ نےمستردکردیا

ویب ڈیسک November 20, 2014

جنوبی کرولینا امریکا کی ان 35 ریاستوں میں شامل ہوگئی جہاں ہم جنس پرستوں کو شادی کا قانونی اختیار مل گیا فوٹو:فائل

جنوبی کیرولینا میں ہم جنس پرستوں کی شادی کو قانونی اجازت دے دی گئی ہے۔

غیر ملکی خبر رساں ادارے کے مطابق امریکی سپریم کورٹ نے ریاست جنوبی کیرولینا میں ہم جنس پرستوں کی شادی پر عائد پابندی کی درخواست مسترد کرتے ہوئے اسے قانونی قراد دے دیا، جنوبی کیرولینا کے اٹارنی جنرل نے ہائی کورٹ سے ہم جنس پرستوں کی شادی پر عائد پابندی نہ اٹھانے کی درخواست کی تھی جس کو امریکی سپریم کورٹ نے مسترد کرتے ہوئے ہم جنس پرستوں کو شادی کی قانونی اجازت دے دی ۔

سپریم کورٹ کی جانب سے اجازت ملنے کے بعد ریاست کیرولینا امریکا کی ان35 ریاستوں میں شامل ہوگئی ہے جہاں ہم جنس پرستوں کی شادی کو قانونی اختیار مل گیا ہے۔