- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
لکس شوبز ایوارڈ میں’’زندہ بھاگ ‘‘بہترین فلم قرار
کراچی: ملک کے سب سے بڑے شوبز ایوارڈز کی تقریب میں فلم ’’زندہ بھاگ‘‘ 3 ایوارڈز کے ساتھ نمایاں رہی۔
’’زندہ بھاگ‘‘ کو بہترین فلم کا ایوارڈ کے ساتھ ساتھ اسی فلم کے مینوگور اور فرجاد نبی کو بہترین ہدایت کار اور ہیرو خرم پطرس کو بہترین اداکار کا ایوارڈ دیا گیا تاہم بہترین اداکارہ کا ایوارڈ ’’سیڈلنگز ‘‘ کے لیے آمنہ شیخ کو دیا گیا۔ ٹی وی کے شعبے میں ہمیشہ کی طرح یہ ایوارڈز سیٹیلائٹ اور ارضی (ٹیرسٹریل) کے دو شعبوں میں تقسیم کیے گئے۔ سیٹیلائٹ کیٹیگری میں فواد خان کو ہم ٹی وی کی سیریل ’’زندگی گلزار ہے‘‘ کے لیے بہترین اداکار کا ایوارڈ دیا گیا۔ فواد خان پچھلے سال بھی ہم ٹی وی ہی کی سیریل ’’ہم سفر‘‘ کے لیے یہ ایوارڈ جیت چکے ہیں۔
اسی کیٹیگری میں اداکارہ صنم سعید کو بہترین اداکارہ کا ایوارڈ دیا گیا جو انھیں ہم ٹی وی کی سیریل ’’زندگی گلزار ہے‘‘ میں اداکاری پر ملا۔ ڈراموں کی ارضی (ٹیرسٹریل) کیٹیگری میں بہترین اداکار کا ایوارڈ نعمان اعجازنے حاصل کیا جو اس تقریب میں موجود نہیں تھے۔ نعمان اعجاز نے آٹھویں مرتبہ یہ ایوارڈ حاصل کیا ہے۔ بہترین اداکارہ کا ایوارڈ اے ٹی وی کے ’’روشنی اندھیرا روشنی‘‘ کی ہیروئین یمینہ پیرزادہ اور پی ٹی وی ہوم پر چلنے والے ڈرامے ’’کمی رہ گئی‘‘ کی ہیروئین مہوش حیات کو مشترکہ طور پر دیا گیا۔ مہوش حیات بھی ملک سے باہر ہونے کی وجہ سے اس تقریب مین موجود نہیں تھیں۔
ٹی وی کے شعبے میں آمنہ مفتی کو ہم ٹی وی کے ڈرامے ’’الو برائے فروخت نہیں‘‘ کے لیے بہترین مصنفہ قرار دیا گیا جب کہ بہترین ہدایت کار کا ایوارڈ حسیب احسن کو دیا گیا۔ موسیقی کے شعبے میں رضوان علی جعفری کی البم ’’یاراں کی ٹولی ‘‘ کو بہترین البم قرار دیا گیا، جب کہ بہترین ساؤنڈ ٹریک کے لیے فلم ’’میں ہوں شاہد آفریدی‘‘ کو منتخب کیا گیا۔ سال کا بہترین گانا راحت فتح علی خان کا ’’ملال‘‘ قرار پایا جب کہ شہریار مرزا کو بہترین ابھرتا ہوا فنکار قرار دیا گیا۔ فیشن کی کیٹیگری میں سبل چوہدری اور عباس جعفری کو سال کے بہترین ماڈلز کے ایوارڈز دیے گئے جب کہ آمنہ بابر کو ابھرتی ہوئی بہترین ماڈل کا ایوارڈ دیا گیا۔ یہ تقریب تقریباً سات ماہ کی تاخیر سے منعقد ہوئی۔ تقریب میں نہ آنے پر ہمایوں سعید، نعمان اعجاز اور مہوش حیات کی کمی محسوس ضرور کی گئی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔