کراچی کے علاقے سپرہائی وے پر ٹریفک حادثے میں 5 افراد جاں بحق

تیز رفتار 2 گاڑیاں بے قابو ہوکر آپس میں جا ٹکرائیں جب کہ جاں بحق ہونے والوں میں 3 بچے بھی شامل ہیں، ریسکیو ذرائع

ویب ڈیسک پير 8 دسمبر 2014

حادثہ سپر ہائی وے پرمعمار موڑ کے قریب پیش آیا جہاں دو گاڑیاں تیز رفتاری کے باعث بے قابو ہوکر آپس میں ٹکراگئیں۔ فوٹو: فائل

کراچی: سپر ہائی وے کے قریب ٹریفک حادثے میں 3 بچوں سمیت 5 افراد جاں بحق ہوگئے جن کی لاشوں کو قریبی اسپتال منتقل کردیا گیا ہے۔

ایکسپریس نیوز کے مطابق کراچی کے علاقے سپر ہائی وے پر ٹریفک حادثے کے نتیجےمیں 5 افراد جاں بحق ہوگئے۔ ریسکیو ذرائع کے مطابق حادثہ سپر ہائی وے پرمعمار موڑ کے قریب پیش آیا جہاں دو گاڑیاں تیز رفتاری کے باعث بے قابو ہوکر آپس میں ٹکراگئیں جس کے نتیجے میں 5 افراد جاں بحق ہوگئے جن میں 3 بچے بھی شامل ہیں۔

حادثے کے بعد گاڑیوں کے ڈرائیور فرار ہوگئے جب کہ ریسکیو ٹیموں نے حادثے میں جاں بحق ہونے والوں کی لاشوں کو قریبی اسپتال منتقل کردیا ہے۔