- کروڑوں روپے کی اووربلنگ کی جا رہی ہے، وزیر توانائی
- کراچی؛ نامعلوم مسلح ملزمان کی فائرنگ سے 7بچوں کا باپ جاں بحق
- پاک بھارت ٹیسٹ سیریز؛ روہت شرما نے دلچسپی ظاہر کردی
- وزیرخزانہ کی امریکی حکام سے ملاقات، نجکاری سمیت دیگرامورپرتبادلہ خیال
- ٹیکس تنازعات کے سبب وفاقی حکومت کے کئی ہزار ارب روپے پھنس گئے
- دبئی میں بارشیں؛ قومی کرکٹرز بھی ائیرپورٹ پر محصور ہوکر رہ گئے
- فیض آباد دھرنا: ٹی ایل پی سے معاہدہ پہلے ہوا وزیراعظم خاقان عباسی کو بعد میں دکھایا گیا، احسن اقبال
- کوئٹہ کراچی شاہراہ پر مسافر بس کو حادثہ، دو افراد جاں بحق اور 21 زخمی
- راولپنڈی؛ نازیبا و فحش حرکات کرکے خاتون کو ہراساں کرنے والا ملزم گرفتار
- حج فلائٹ آپریشن کا آغاز 9 مئی سے ہوگا
- کیویز کیخلاف سیریز سے قبل اعظم خان کو انجری نے گھیر لیا
- بجلی صارفین پرمزید بوجھ ڈالنے کی تیاری،قیمت میں 2 روپے94 پیسے اضافے کی درخواست
- اسرائیل کی رفح پر بمباری میں 5 بچوں سمیت11 افراد شہید؛ متعدد زخمی
- ٹرین سےگرنے والی خاتون کی موت،کانسٹیبل کا ملوث ہونا ثابت نہ ہوسکا، رپورٹ
- 'ایک ساتھ ہمارا پہلا میچ' علی یونس نے اہلیہ کیساتھ تصویر شیئر کردی
- بجلی چوری کارخانہ دار کرتا ہے عام صارف نہیں، پشاور ہائیکورٹ
- عدلیہ میں مداخلت کیخلاف اسلام آباد ہائیکورٹ بار کا سپریم کورٹ سے رجوع
- مہنگائی کے دباؤ میں کمی آئی اور شرح مبادلہ مستحکم ہے، وزیر خزانہ
- پی ٹی آئی کی جلسوں کی درخواست پر ڈی سی لاہور کو فیصلہ کرنے کا حکم
- بابراعظم سوشل میڈیا پر شاہین سے اختلافات کی خبروں پر "حیران"
ایران پاکستان گیس پائپ لائن منصوبے پر 2 مرحلوں میں عمل کرینگے، وفاقی وزیر پٹرولیم
اسلام آباد: وفاقی وزیر پٹرولیم و قدرتی وسائل شاہد خاقان عباسی نے کہا ہے کہ وفاقی حکومت ایران پاکستان گیس پائپ لائن پراجیکٹ مکمل کرنے کے لیے پرعزم ہے۔
ملکی توانائی کی ضروریات پوری کرنے کے لیے ایران پاکستان گیس پائپ لائن منصوبہ بہت اہم ہے، حکومت نے منصوبے پر 2 مرحلوں میں عملدرآمد کی منصوبہ بندی شروع کردی ہے۔ ایرانی وزیر اقتصادی امور و خزانہ علی تائب نیا کی سربراہی میں آنے والے وفد سے گفتگو کرتے ہوئے انھوں نے کہا کہ ایران پر عائد عالمی پابندیوں کی وجہ سے پاکستان اس منصوبے کی تکمیل کے لیے اپنے حصے کا کام مکمل نہیں کرسکا کیونکہ حکومت کی بھرپور کوشش کے باوجود اس منصوبے سے متعلق بینک، بین الاقوامی کنٹریکٹرز اور ایکویپمنٹ سپلائرز کام کرنے کو تیار نہیں ہیں۔
انہوں نے وفد کو بتایا کہ اب حکومت اس منصوبے پر 2 مرحلوں میں عملدرآمد کرنے کی منصوبہ بندی کررہی ہے جس کے تحت پہلے مرحلے میں گوادر پورٹ پر ایل این جی ٹرمینل لگایا جائے گا جبکہ دوسرے مرحلے میں گوادر سے نوابشاہ تک 42 انچ قطر کی 700 کلومیٹر طویل پائپ لائن بچھائی جائے گی۔ انہوں نے وفد کو بتایا کہ پاکستان مذکورہ پائپ لائن کی تعمیر کے لیے چینی کمپنیوں کے ساتھ مذاکرات جاری رکھے ہوئے ہے اور پاکستان سے ایران بارڈر تک 70 کلومیٹر کی پائپ لائن بچھانے کا کام پاکستانی کمپنیاں مکمل کریں گی، توقع ہے کہ اس منصوبے پر جلد کام شروع ہوجائے گا۔
انہوں نے کہا کہ پاکستان ایران کے ساتھ نہ صرف آئل اینڈ گیس، پٹروکیمیکلز اور فرٹیلائزر بلکہ دوسرے شعبوں میں بھی تجارت بڑھانے کا خواہاں ہے، پاکستان کا تیل کا درآمدی بل 15 ارب ڈالر ہے جبکہ ایران اور پاکستان کے درمیان براہ راست تیل کی تجارت نظر انداز ہو رہی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔