- مسجد اقصی میں دنبے کی قربانی کی کوشش پر 13 یہودی گرفتار
- پنجاب کا ضمنی الیکشن طے شدہ تھا جس میں ڈبے پہلے سے بھرے ہوئے تھے، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
- ازبکستان، پاکستان اور سعودی عرب کے مابین شراکت داری کا اہم معاہدہ
- پی آئی اے تنظیم نو میں سنگ میل حاصل، ایس ای سی پی میں انتظامات کی اسکیم منظور
- کراچی پورٹ کے بلک ٹرمینل اور 10برتھوں کی لیز سے آمدن کا آغاز
- اختلافی تحاریر میں اصلاح اور تجاویز بھی دیجیے
- عوام کو قومی اسمبلی میں پٹیشن دائر کرنیکی اجازت، پیپلز پارٹی بل لانے کیلیے تیار
- ریٹائرڈ کھلاڑیوں کو واپس کیوں لایا گیا؟ جواب آپکے سامنے ہے! سلمان بٹ کا طنز
- آئی ایم ایف کے وزیراعظم آفس افسروں کو 4 اضافی تنخواہوں، 24 ارب کی ضمنی گرانٹ پر اعتراضات
- وقت بدل رہا ہے۔۔۔ آپ بھی بدل جائیے!
’’سانحہ پشاور سے دل ٹوٹ گیا، یہ ماتم کے ساتھ سوچنے کا بھی وقت ہے‘‘
ممبئی: بالی ووڈ کے فلمی ستاروں کی طرف سے پشاور میں اسکول پر طالبان کے حملے میں بچوں کی ہلاکت پر گہرے صدمے کا اظہار کرتے ہوئے اس واقعے کی سخت الفاظ میں مذمت کی ہے۔
کئی اداکاروں نے اپنے رد عمل میں اس بہیمانہ واقعے پر افسوس کا اظہار کرتے ہوئے طلباء کو خراج تحسین پیش کیا ہے۔ ٹویٹر پر اپنے پیغام میں اداکار شاہ رخ حان نے لکھا ’’مجھے لگتا ہے کہ بچوں کے ساتھ رہنے سے ہمارے دلوں کو امن و شانتی حاصل ہوتی ہے اور ایسے لوگوں کے لیے میرے دل میں بے انتہا نفرت ہے جو امن کے ان سفیروں پر حملہ کرتے ہیں، بچوں سے ہی روح کو تسکین ملتی ہے اور ان لوگوں سے شدید نفرت محسوس ہورہی ہے جنہوں نے ہمارا مستقبل ، ہمارے بچے اور ہمارے دل کا سکون چھین لیا‘‘۔
بالی ووڈ کے معروف نغمہ نگار پروسن جوشی نے اپنے صدمے کا اظہار اپنی نظم سے کیا ہے جس میں وہ لکھتی ہیں ’’اس واقعے پر تو آسمان کو بھی زور سے رونا چاہیے اور تہذیبوں کی گردنیں بھی شرم سے جھک جانی چاہیں‘ یہ ماتم کا وقت تو ہے لیکن سوچنے کا بھی وقت آگیا ہے‘‘۔ اداکار اور ہدایت کار جاوید اختر کے بیٹے فرحان اختر نے بھی اس واقعے پر گہرے صدمے کا اظہار کرتے ہوئے ٹویٹ کیا ’’میرا دل ٹوٹ گیا ہے‘ یہ بہت تکلیف دہ دن ہے، خدا سبھی کو ہمت دے‘‘۔
پاکستانی اداکار فواد خان نے لکھا ’’میں گہرے غم اور صدمے میں ہوں‘ معصوم بچوں کا قتل عام وحشی پن ہے‘ میری دعائیں ان بچوں کے ماں باپ کے ساتھ ہیں‘‘۔ پاکستانی فنکار ماہرہ خان نے اپنے رد عمل میں لکھا ’’سب سے چھوٹے تابوت سب بھاری بھی ہوتے ہیں‘ یہ نفرت انگیز لوگوں کی بزدلانہ حرکت ہے‘‘۔ پاکستانی گلوکار شفقت امانت علی کا کہنا تھا ’’دہشت گردی کا کوئی مذہب نہیں ہوتا‘ ان لوگوں نے یہ ثابت کر دیا کہ اللہ ان کی طرف نہیں ہے کیونکہ دنیا کے مستقبل کو مارنا اللہ نے نہیں سکھایا‘‘۔ دیا مرزا نے کہا یہ ہولناک صورتحال ہے۔ بپاشا باسو نے کہا میں نہیں جانتی کہ کوئی انسان کس طرح دہشت گرد بن جاتا ہے اور بچوں کو دنیا کو دہشت زدہ کرنے کے لیے استعمال کرتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔