ڈرامے کے ذریعے عوام کے مسائل ایوان بالاتک پہنچانا چاہتا ہوں، انورمقصود

کراچی: معروف ڈرامہ نگارانورمقصودکی ٹیم نے وفاق کے بعدصوبائی سطح پرملکی نظام کے خلاف ڈراموں کی صورت میں احتجاج کاآغازکردیاہے۔

ان دنوں ان کا لکھا ہواکھیل دھرنا انورمقصود کا لاہورمیں پیش کیا جارہا ہے جو کراچی میں14جنوری سے پیش کیاجائے گا، معروف ڈرامہ نگارانورمقصودنے نمائندہ ایکسپریس سے بات چیت کرتے ہوئے کہاکہ ملک کی موجودہ صورت حال اورتیزی سے بڑھتی ہوئی مہنگائی سے پریشان عوام کی ترجمانی کرتے ہوئے میں نے ایک کوشش کی ہے کہ اس کھیل کے ذریعے میں عوام کی بات ایوان بالاتک پہنچا سکوں جس میں کافی حد تک کامیاب بھی رہاہوں،کراچی ، لاہور اور اسلام آباد کے عوام نے میری ٹیم کی ہرقدم پرحوصلہ افزائی کی ہے۔