تھرپارکر میں غذائی قلت کے باعث مزید 5 بچے دم توڑ گئے

ویب ڈیسک  جمعـء 2 جنوری 2015
گزشتہ برس بھی سندھ حکومت کی غفلت اور مقامی انتظامیہ کی نا اہلی کے باعث 646 بچے جاں بحق ہو ئے. فوٹو: فائل

گزشتہ برس بھی سندھ حکومت کی غفلت اور مقامی انتظامیہ کی نا اہلی کے باعث 646 بچے جاں بحق ہو ئے. فوٹو: فائل

مٹھی: تھرپارکر میں غذائی قلت کا سلسلہ جاری ہے اور نئے سال کے دوسرے روز ہی سندھ حکومت کی غفلت اور نا اہلی نے مزید 5 بچوں کی جان لے لی ہے۔

ایکسپریس نیوز کے مطابق مٹھی کے سول اسپتال میں غذائی قلت کے باعث 2 بچے دم توڑ گئے۔ جاں بحق ہونے والے بچوں کا تعلق ڈپلو کے گاؤں کاٹھو واڑیو اور چندیو سے ہے۔ جب کہ تھرپارکر میں مختلف مقامات پر مزید 3 بچے جاں بحق ہوئے۔

واضح رہے کہ گزشتہ برس بھی سندھ حکومت کی غفلت اور مقامی انتظامیہ کی نا اہلی کے باعث 646 بچے جاں بحق ہو ئے جب کہ حکومتی ارکان کا کہنا ہے کہ اس میں انتظامیہ کی کوئی غفلت شامل نہیں، زیادہ تر اموات زچگی کے بارے میں آگاہی نہ ہونے کے باعث ہوتی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔