لڑکی سے موبائل فون پر بات کرتے ہوئے لڑکا ٹرین کی زد میں آگیا

صغیر موبائل پر لڑکی سے بات کرتے ہوئے ریلوے لائن پر آگیا اور پشاور جانے والی خوشحال خان خٹک ایکسپریس کی زد میں آگیا

اسٹاف رپورٹر اتوار 4 جنوری 2015

پولیس نے ضابطے کی کارروائی کے بعد لاش ورثا کے حوالے کر دی۔ فوٹو: فائل

کراچی: ڈرگ روڈ ریلوے پولیس چوکی کی حدود بلوچ کالونی پل کے نیچے ٹرین کے زد میں آکر ایک شخص ہلاک ہوگیا۔

اہکسپریس کے مطابق ڈرگ روڈ پولیس چوکی کے منشی کانسٹیبل غلام اصغر نے بتایا کہ متوفی کی شناخت 22 سالہ صغیر احمد ولد محمد نواز کے نام سے کر لی گئی، متوفی بلوچ کالونی پل ریلوے لائن کے سامنے عمر کالونی رحمان چوک کچی آبادی کا رہائشی تھا۔

انھوں نے بتایا کہ عینی شاہدین نے پولیس کو اپنے بیان میں بتایا ہے کہ واقعے کے وقت صغیر موبائل فون پر لڑکی سے بات کرتے ہوئے ریلوے لائن پر آگیا اور کینٹ اسٹیشن سے پشاور جانے والی خوشحال خان خٹک ایکسپریس کی زد میں آگیا، پولیس نے ضابطے کی کارروائی کے بعد لاش ورثا کے حوالے کر دی۔