فرح خان نے ’’بگ باس 8‘‘ میں سلمان خان کی جگہ لے لی

نیٹ نیوز  منگل 6 جنوری 2015
سلمان خان کی کاپی نہیں کرونگی، فرح، مطمئن ہوں شو محفوظ ہاتھوں میں ہے، اداکار  فوٹو : فائل

سلمان خان کی کاپی نہیں کرونگی، فرح، مطمئن ہوں شو محفوظ ہاتھوں میں ہے، اداکار فوٹو : فائل

ممبئی: بالی ووڈ فلمساز فرح خان نے ریالٹی ٹی وی شو ’’بگ باس 8‘‘ میں اداکار سلمان خان کی جگہ لے لی۔

سلمان خان شو کا سیزن آٹھ فلم ’’بجرنگی بھائی جان‘‘ کے فلمی شیڈول کی وجہ سے مکمل نہیں کر پائے اور آئندہ چار ہفتوں کی میزبان فرح خان ہونگی۔ اس موقع پر اپنے انٹرویو میں فرح خان نے کہا کہ وہ بگ باس میں سلمان خان کی کاپی نہیں کریں گی، وہ جانتی ہیں کہ بگ باس شو کی میزبانی میں سلمان خان کے نقس قدم پر چلنا ایک چیلنج ہوگا تاہم وہ موازنہ کرنے کے بارے میں پریشان ہیں۔

انھوں نے کہا کہ وہ اپنے شو میں اسٹائل کو برقراررکھیں گی اور وہ سلمان خان کی تقلید نہیں کریں گی۔ انھوں نے کہا کہ موازنہ کرنا ناگریز ہے تاہم میں نہیں سمجھتی میں اس سے متاثر ہوں گی۔ سلمان خان کا کہنا ہے کہ ان کا دل مطمئن ہے کیونکہ ان کا شو محفوظ ہاتھوں میں ہے۔ شو کے آئندہ پروگرامز میں مقابلہ مزید کاٹنے دار ہوگا۔ شرکاء کو بڑے پانچ چیلنجز کا سامنا ہوگا جنھیں انھیں پورا کرنا ہوگا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔